Ադրբեջանական կողմի հրապարակած նկարները բոլորովին այլ բան են փաստում (լուսանկարներ)
«Հաղթելու ենք» ռազմահայրենասիրական և իրավապաշտպան ՀԿ-ի նախագահ Կարեն Հովհաննիսյանն իր ֆեյսբուքյան էջում գրել է.
«Ադրբեջանական կողմի հրապարակած նկարները բոլորովին այլ բան են փաստում, չնայած այն բանին, որ Ադրբեջանը շարունակում է հայտարարել, որ հայ զինծառայողը ինքնակամ լքել է հայկական դիրքերը և անցել ադրբեջանական կողմ:
Առաջին նկարում զինծառաողի պարանոցի և գլխի հատվածում կարմիր շեղ հետքն է: Սա փաստում է նրա մասին, որ զինվորը ստացել է ինքնաձիգի կոթի շեղ հարված: Ինչպես հայտնի է, այդպիսի հարվածից հետո մարդ կորցնում է գիտակցությունը: Սա փաստում է, որ զինծառայողին հետևից մոտեցել և հարվածել են, որպեսզի կորցնի գիտակցությունը և ազդանշան չտա: Երկրորդ նկարում շապիկի ուսերի հատված և՛ պոկված է, և՛ ճմրթված: Այսինքն, երկու ձեռքով շապիկի հենց այս հատվածից են բռնել և հնարավոր է քարշ են տվել: Իսկ քարշ տալու մասին փաստում է փոշու մեջ կորած նրա տաբատը և զինվորական բատինկեքը: Երրորդ նկարը ևս փաստում է նրա մասին, որ զինծառայողին քարշ են տվել, ինչի հետևանքով մացառներից, փշերից առաջացել են այդ քերծվածքները: Իսկ կրկին երրորդ նկարում բատինկան շատ ավելի լավ ու պարզ է երևում, որից էլ պարզ է դառնում, որ նա ոչ թե քայլելով է գնացել, այլ քարշ տված են տարել: Ուշադիր եթե նայեք, ապա կտեսնեք, որ փոշին, հողը բատինկի կապիչներից ներս է լցվել, ինչպես նաև բատինկի վերևի մասից է լցվել ներս:
Կան մարդիկ, որ ասում են, լավ ինչի՞ պետք է Ադրբեջանը ասի լքել է դիրքը, կարող է ասել, որ դիվերսանտ է և 20 տարի դատել: Ոչ, Ադրբեջանին այս պահին պետք է, որ իր հասարակությանը ներկայացնի, թե Հայաստանի բանակը որքան վատն է, որ անգամ իրենց կողմն են անցնում հայ զինվորները, որ պատերազմի դեպքում միանշանակ հաղթելու են:
Հ.Գ. Սա բացառապես իմ սուբյեկտիվ կարծիքն է»:
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...