Մեծ Բրիտանիայի ոստիկանությունը կոչ է արել Համացանցի օգտատերերին չծաղրել հետախուզվող հանցագործի սանրվածքը

Մեծ Բրիտանիայի ոստիկանությունը զգուշացրել է Համացանցի օգտատերերին դադարել ծաղրել հետախուզվող հանցագործի սանրվածքը, որի լուսանկարը հրապարակվել էր սոցցանցերում, հաղորդում է Fox News-ը։

Հարավային Ուելսի ոստիկանության բաժանմունքը հրապարակել էր Նյուպորտ քաղաքի 21-ամյա բնակիչ Ժերմեն Թեյլորի լուսանկարը, որը մեղադրվում է թմրանյութերի վաճառքի մեջ։

Հանցագործի լուսանկարը ձեռք էր բերել անասելի հանրաճանաչություն Թեյլորի ցցված մազերի պատճառով։

Արդյունքում լուսանկարը ստացել էր 10 000 հավանում եւ մեկնաբանվել 81 000 անգամ, իսկ դրանով կիսվել էր13 000 օգտատեր։