Կոյ-Տաշում բախում է սկսվել միլիցիայի եւ Աթամբաեւի կողմնակիցների միջեւ

Կոյ-Տաշում բախում է սկսվել միլիցիայի եւ Ղրղզստանի նախկին նախագահ Ալմազբեկ Աթամբաեւի կողմնակիցների միջեւ, իրադարձությունների վայրից հայտնել է «Sputnik Ղրղզստան»-ի թղթակիցը:

Դեպքի վայրում է իրավապահ մարմինների մոտ 200 աշխատակից. բախում է սկսվել Աթամբաեւի կողմնակիցների հետ, որոնք մոտ 400 մարդ են: Միլիցիոներների վրա են նետվում Մոլոտովի կոկտեյլներ եւ քարեր: Կոնֆլիկտի ժամանակ իրավապահները սկսել են օգտագործել լուսաձայնային նռնակներ: Աթամբաեւի կողմնակիցները սկսել են նահանջել:

Օգոստոսի 7-ի երեկոյան Ղրղզստանի Ազգային անվտանգության պետական կոմիտեի հատուկ նշանակության ջոկատը Չույսկի մարզի Կոյ-Տաշ գյուղում փորձել է անցկացնել երկրի նախկին նախագահ Ալմազբեկ Աթամբաեւին ձերբակալելու գործողություն: Բայց նախկին նախագահի կողմնակիցները գրոհը հետ են մղել: Վերջին տեղեկություններով՝ տուժել է 52 մարդ, նրանցից մեկը՝ հատուկջոկատային, մահացել է հրազենային վիրավորման հետեւանքով:

Այս թեմայով Ղրղզստանի իշխանությունները կալանք են դրել նախկին նախագահ Աթամբաեւի ունեցվածքի հիմնական մասի վրա Ղրղզստանցի մարզիկները հրաժարվել են մենամարտել իրար դեմ Ղրղզստանում անկարգությունների ժամանակ 139 մարդ է տուժել Ղրղզստանի ԱԱՊԿ ղեկավարն Աթամբաեւին մեղադրել է պետական հեղաշրջում նախապատրաստելու մեջ Ղրղզստանում նախկին նախագահ Աթամբաևի ձերբակալության ժամանակ բախումների հետևանքով տուժածների թիվը հասել է 136-ի