Ղրղզստանի նախկին նախագահի կողմնակիցների կողմից պատանդառված հատուկջոկատայինները դեռ ազատ չեն արձակվել

Ղրղզստանի նախկին նախագահ Ալմազբեկ Աթամբաևի կողմնակիցների մոտ պատանդ պահվող հատուկջոկատայիններին գիշերը բուժօգնություն է ցուցաբերվել: Այդ մասին «ՌԻԱ Նովոստի» գործակալությանը հայտնել են երկրի նախկին նախագահի շտաբից:

«Իշխանությունները չեն կատարել ներկայացված պայմանները, այդ իսկ պատճառով նրանք դեռ մեզ մոտ են: Նրանց հետ ամեն ինչ կարգին է»,- հայտնել է շտաբի ներկայացուցիչը:

Ի դեպ, հաղորդվում է, որ Կոյ Տաշ գյուղից, որտեղ գտնվում է նախկին նախագահի կեցավայրը, ուժայինները հեռացել են: Ինչպես հայտնել են նախկին նախագահի կողմնակիցները, տարածքը լքել են թե՛ ոստիկանությունը, թե՛ հատուկ ջոկատը:

Ինչպես ավելի վաղ հաղորդել էր Tert.am-ը, երեկ երեկոյան հատուկ ծառայությունները գործողություն են սկսել Աթամբաևի ձերբակալման համար: Գործողությունը սկսվել է Կոյ Տաշ գյուղում՝ նրա կեցավայրի տարածքում:

Նրանք նախկին նախագահի կողմնակիցների ուղղությամբ հատուկ միջոցներ են կիրառել, վերջիններս էլ պատասխան կրակ են բացել: Միջադեպի հետևանքով 43 մարդ է տուժել, մեկ հատուկջոկատային զոհվել է: Իրավապահ համակարգի պաշտոնյաներից մեկը կոմայի մեջ է:

Աթամբաևին ձերբակալել չի հաջողվել:

Ղրղզստանի գլխավոր դատախազությունը քրեական գործ է հարուցել «Զանգվածային անկարգություններ» և «Խուլիգանություն» հոդվածներով:

Նրան ձերբակալելու պատճառ է դարձել այն, որ նա երեք անգամ չի ներկայացել հարցաքննության՝ որպես քրեական հեղինակություն Ազիզ Բատուկաևին ապօրինի ազատ արձակելու գործով վկա:

Աթամբաևը Ղրղզստանի նախագահ է եղել 2011-2017 թվականներին: Նա ընտրությունների արդյունքում ինքնակամ իշխանությունը փոխանցել է Սոորոնբայ Ժեենբեկովին:

Այս թեմայով Ղրղզստանի իշխանությունները կալանք են դրել նախկին նախագահ Աթամբաեւի ունեցվածքի հիմնական մասի վրա Ղրղզստանցի մարզիկները հրաժարվել են մենամարտել իրար դեմ Ղրղզստանում անկարգությունների ժամանակ 139 մարդ է տուժել Ղրղզստանի ԱԱՊԿ ղեկավարն Աթամբաեւին մեղադրել է պետական հեղաշրջում նախապատրաստելու մեջ Ղրղզստանում նախկին նախագահ Աթամբաևի ձերբակալության ժամանակ բախումների հետևանքով տուժածների թիվը հասել է 136-ի