Ֆեյսբուքյան լայքի համար կրճատեցին պարգևավճարս. քաղաքապետարանի աշխատակիցը դուրս է եկել աշխատանքից

Երևանի քաղաքապետարանի աշխատակից Բաբկեն Մկրտչյանը ֆեյսբուքյան իր էջում գրառում է արել` հայտնելով, որ ազատվել է աշխատանքից:

«Երեկ դիմումիս համաձայն դուրս եկա իմ՝ թաղապետարանի աշխատանքից։Անցյալ տարվանից պայքարում էի քաղաքային իշխանությունների ՝ իմ ղեկավարների ,հետ ,որպեսզի պաշտպանեմ իմ՝ համայնքային ծառայողի իրավունքները։ Սակայն Երևանի քաղաքապետը և Դավթաշենի թաղապետը այնքան մանրախնդիր ու քինախնդիր են , որ ֆեզբուքյան լայքի համար կրճատեցին պարգևավճարս։Հարգելի ընկերներ , ճիշտ հասկացեք, խնդիրը գումարը չի ։Խնդիրն այն է ,որ իրեն հարգող մարդը չի կարող աշխատել մարդկային արժեքները չգնահատող մարդկանց հետ։ Շնորհակալություն եմ հայտնում այն բոլոր մարդկանց , ում հետ հաճելի է եղել և պատիվ է եղել աշխատելն ինձ համար»,- գրել է նա:

 Մեկ այլ գրառման մեջ էլ նշել է, որ Հայկ Մարությանի դեմ լայքելու համար են հասցրել նրան, որ դիմում գրի և դուրս գա աշխատանքից:

«Մարության Հայկին դեմ մի լայքիր` 150 % պարգևավճար կստանաս

Դավթաշենի համայնքապետարանում 8 տարի աշխատած, մարտի 1-ի դեպքերին հաշմանդամության 3-րդ կարգ ստացած, երիտասարդ ընտանիքի հայր ու ամենակարևորը օրեր առաջ նման ծառայողական բնութագիր ստացած մարդուն ` Մարության Հայկին դեմ լայք տալու համար հասցնում են նրան, որը 8 ամսյա պայքարից հետո դիմում գրի դուրս գա աշխատանքից:
Ու սա դեռ ամենը չէ` մի քանի ամսվա աշխատողին (բնականաբար ձերքայլական) , բաժնի պետին ... իրենցականներին տալիս են 150 % պարգևավճար, իսկ 8 տարվա փորձառու աշխատողին` 50 %:
Էս չեք? էսպիսի ճղճիմ քայլերից հետո մտածում եք , որ ձեզ պիտի հավատան?
Շատ արխային չընկնեք, ավելին ` ձգվեք, թե շուտով վերադառնալու եք ձեր հին գործին»,- գրել է Բաբկեն Մկրտչյանը: