Մոուրինյո․ Առանց ֆուտբոլի չեմ կարողանում վայելել կյանքը

Անցած տարի «Մանչեսթեր Յունայթեդից» հեռացված պորտուգալացի մարզիչ Ժոզե Մոուրինյոն խոստովանել է, որ առանց ֆուտբոլի չի կարողանում վայելել կյանքը։

«Մարզչական կարիերայիս մասին շատ եմ մտածել եւ վերլուծել՝ հասկանալով, որ դեռ լի եմ կրակով եւ շատ եմ սպասում նոր մարտահրավերների։ Ընկերներս խորհուրդ են տալիս վայելել կյանքը, որի ժամանակը նախկինում չեմ ունեցել, բայց ես առանց ֆուտբոլի չեմ կարողանում վայելել կյանքը։ Հիմա պարզապես սպասում եմ իմ շանսին»,- Մոուրինյոյի խոսքը մեջբերում է Sky Sports-ը։

Կարիերայի ընթացքում Մոուրինյոն գլխավորել է նաեւ «Բենֆիկան», «Ունիան Լեյրիան», «Պորտուն», «Ինտերը», «Ռեալը», «Չելսին»։

Բաժանորդագրվեք Top-News.am-ին Telegram-ում