Ադրբեջանում առաջարկում են խստացնել նախագահի պատիվը վիրավորելու համար պատիժը

Ինչպես տեղեկացնում է «Ինտերֆաքս»-ը, երկրի խորհրդարանին է ներկայացվել Քրեական օրենսգրքում փոփոխություններ ու լրացումներ կատարելու նախագիծը, որը ենթադրում է Ադրբեջանի նախագահի պատիվն ու արժանապատվությունը վիրավորելու համար պատժի խստացում:

Նման առաջարկով է հանդես եկել նախագահ Իլհամ Ալիևի աշխատակազմը։ Փաստաթուղթը քննարկման կդրվի առաջիկայում:
Նշվում է, որ Իլհամ Ալիևին և նրա ընտանիքի անդամներին վիրավորելն Ադրբեջանում արդեն իսկ քրեորեն հետապնդելի հանցագործություն էր համարվում:
Այսպես՝ հրապարակային, սոցիալական ցանցերում նախագահի հասցեին վիրավորական կամ նսեմացնող արտահայտությունների հեղինակներին սպառնում է տուգանքի չափի ավելացում մինչ 1,5-2,5 հազար մանաթ, ուղղիչ աշխատանքային գաղութ կամ մինչև երեք տարի ազատազրկում:
Առավել խիստ պատիժ է սահմանվում այն օգտատերերի համար, որոնք հանդես են գալիս կեղծանուններով: Տուգանքի չափը նախատեսվում է հասցնել մինչ 2-3 հազար մանաթի:
Աղբյուրը՝ Zham.am