Թրամփը չի ցանկանում պատժամիջոցներ կիրառել Թուրքիայի դեմ

Նախագահ Դոնալդ Թրամփը նախօրեին փակ դռների հետեւում կայացած հանդիպման ժամանակ հստակ հասկացրել է հանրապետական սենատորներին, որ ռուսական C-400 համակարգի ձեռքբերման հետ կապված չի ցանկանում պատժամիջոցներ կիրառել Թուրքիայի նկատմամբ: Այս մասին հայտնում է CNN-ը՝ վկայակոչելով երկու հանրապետական աղբյուրներին:

Սենատորներից մեկն ասել է, որ Թրամփի այս դիրքորոշումը հիացմունք չի առաջացրել հանրապետականների մոտ, որոնք հանդիպման ընթացքում վրդովմունք են հայտնել:

Օրենսդիրները մշել են, որ ԱՄՆ-ն գնման հետ կապված այլ ելք չունի, քան Թուրքիայի դեմ պատժամիջոցներ կիրառելը՝ հիմնվելով պատժամիջոցների միջոցով Ամերիկայի հակառակորդներին հակազդելու օրենքի վրա, սակայն Թուրքիայի կարգավիճակը՝ որպես ՆԱՏՕ-ի դաշնակից դժվարացնում է իրավիճակը:

Թրամփը հրապարակավ հասկացրել է, որ չի ցանկանում Թուրքիայի դեմ պատժամիջոցներ կիրառել, մեղադրելով Օբամայի վարչակազմին նրանում, որ Անկարան ձեռք է բերել C-400, քանի որ այն հրաժարվել է Թուրքիային վաճառել հրթիռային համակարգի ամերիկյան այլընտրանքը:

Երեքշաբթի հանդիպման ժամանակ Թրամփը եւս մեկ անգամ դժգոհել էր իր վարչակազմի՝ Թուրքիային F35 ծրագրից բացառելու որոշումից, սենատորներին ասելով, որ նա ցանկանում է, որ Թուրքիան կարողանա գնել կործանիչները:

Վերլուծաբանների կարծիքով, օրենքը, որը պահանջում է Թուրքիայի նկատմամբ պատժամիջոցների կիրառում, նախատեսում է, որ առաջին հերթին գործի գործադիր իշխանությունը, եւ Թրամփին գրեթե տեղ չի մնում Թուրքիային բացառություն անելու համար:

Բաժանորդագրվեք Top-News.am-ին Telegram-ում