Մեծ Բրիտանիայի նոր վարչապետի առաջին աշխատանքը՝ տպավորություն գործել կատվի վրա

Երբ Մեծ Բրիտանիայի նոր վարչապետը մուտք գործի Դաուինինգ սթրիթի իր նստավայր, նրան կդիմավորեն աշխատակիցներից մեկը, որի վրա, ինչպես հայտնի է, դժվար է տպավորություն գործել, գրում է BBC-ը:

Ինչպե՞ս են նախորդ վարչապետերը «հարաբերություններ կառուցել» չորսոտանի պետական ծառայողի հետ:

Թերեզա Մեյ

2016թ. Sunday Times-ին տված հարցազրույցում Թերեզա Մեյը հայտարարել է, որ ուրախ է տեսնել Լարիին, սակայն նշել է, որ ինքն ավելի շատ սիրում է շներին: Նա նկատել է, որ Լարին ուներ սրելի վայրեր, սակայն իր սեփական գրասեղանը դրանցից մեկը չէր:

Դեւիդ Քեմերոն

Հրաժարականի մասին հայտարարելուց հետո Դեւիդ Քեմերոնը հերքեց այն լուրերը, թե «լեզու չի գտել» Լարիի հետ: Դրանից հետո նա ցույց տվեց լուսանկարը, որում Լարին նստած է նրա ծնկներին: «Ցավոք, ես չեմ կարող Լարիին ինձ հետ տանել, նա պատկանում է այս տանը, եւ անձնակազմը նրան շատ է սիրում»,- ասել էր նա:

Թոնի Բլեեր

Նոր վարչապետը ստիպված էր նստավայրը կիսել Համֆրի կատվի հետ, սակայն նրա հայտնվելուց հետո Համֆրին անհետացավ: Դաունինգ սթրիթը ստիպված եղավ հերքել կատվի հեռացման մասին լուրը՝ պնդելով, որ նրան տեղափոխել են առողջական վիճակի պատճառով:

Նախորդ ընտանի կենդանիները

Ուիլբերֆորս կատուն աշխատել է 4 վարչապետերի օրոք՝ Էդվարդ Հիթից մինչեւ Մարգարեթ Թեթչեր:

Ըստ տեղեկությունների՝ ամենագլխավոր կատվի՝ Փիթերի մասին հայտնի է դարձել 1929թ.: Փիթերին փոխարիներ են 2 կատուները՝ Պետերն ու Պետը, որոնք խոչընդոտում էին Դաունինգ սթրիթի աշխատանքին, քանի որ չեն վարժեցվել պետքարան գնալու համար:

Բաժանորդագրվեք Top-News.am-ին Telegram-ում