Գիտնականները երաժշտական նախասիրությունների եւ ինտելեկտի մակարդակի միջեւ կապ են գտել

Գիտնականները երաժշտական նախասիրությունների եւ ինտելեկտի մակարդակի միջեւ կապ են գտել: Գիտական աշխատության արդյունքները հրապարակվել են պրոֆիլային մամուլում, հաղորդում է Planet-today-ը:

Նախագծին մասնակցել է 6000 կամավոր: Գիտնականները հատկապես նշում են, որ երաժշտական նախասիրությունների եւ IQ-ի միջեւ կապը հայտնաբերվել է վաղուց, սակայն այժմ գիտական հանրությունն ապացույցներ է գտել:

«Կապ կա նախընտրած երաժշտության եւ անձի տեսակի միջեւ: Այսինքն՝ իմանալով, թե ինչ երաժշտություն է սիրում մարդը, կարելի է վստահորեն դատել նրա բնավորության եւ ինտելեկտուալ ունակությունների մասին»,- ասում են հետազոտության հեղինակները:

Մասնավորապես, պարզվել է, որ բարձր ինտելեկտ ունեցող մարդիկ հաճախ գնահատում են դասական երաժշտությունը, ինչպես նաեւ ջազը: Միջինից բարձր ինտելեկտը նկատվել է մելոմանների մոտ, որոնք սիրում են ռոք, այլընտրանքային երաժշտություն, հաճախ՝ հեվի մետալ: Նման մարդիկ քիչ շփվող են:

Փոփ, հիփ հոփ, R'n'B երաժշտության սիրահարները կարող են հազվադեպ պարծենալ բարձր IQ-ով, չնայած դրան՝ նրանք բաց են շփման համար եւ չեն տառապում ցածր ինքնագնահատականով: Համապատասխանաբար, նման մարդիկ հաջողության են հասնում: