Ոչ մեկի մտքով չպետք է անցնի 80 հազար դրամանոց աշխատանք անել և այդպիսի աշխատատեղ ունենալ․ Փաշինյան

Համահարթ եկամտահարկի ներմուծմամբ, ըստ Նիկոլ Փաշինյանի, հնարավորություն է ստեղծվում, որ աշխատողները և գործատուները կարողանան ստվերից խուսափելու հնարավորություն ստանալ։ Այս մասին այսօր վարչապետը հայտարարեց Շիրակի համաժողովի ընթացքում՝ պատասխանելով եկամտահարկի համահարթեցման դեմ քննադատությանը։

Փաշինյանը նաև ասաց, որ երբ իրենց մեղադրում են, թե բարձր աշխատավարձ ստացողների իրավունքներն են պաշտպանում, դա ճիշտ է, քանի որ իրենք հենց բարձր աշխատավարձերով աշխատատեղերի կողմնակից են։ Վարչապետը համոզված է, որ Հայաստանում ընդհանրապես չպետք է լինի ցածր աշխատավարձ ստացող։

«Մեր երկրում ընդհանրապես չպետք է ընդունված լինի, որևէ մեկի մտքով չպետք է անցնի, որ կարելի է 80 հազար դրամանոց աշխատանք անել և 80 հազար դրամանոց աշխատատեղ ունենալ», – ասաց Փաշինյանը։

Բաժանորդագրվեք Top-News.am-ին Telegram-ում