Դանիել Իոաննիսյանի դեմ 30 ուսուցչի հայցերի քննությունը կմեկնարկի հուլիսին

«Իրազեկ քաղաքացիների միավորում» հասարակական կազմակերպության դեմ խորհրդարանական ընտրությունների քարոզարշավի ընթացքում ՀՀԿ-ի համար ցուցակագրում իրականացրած դպրոցների եւ մանկապարտեզների 30 տնօրենի քաղաքացիական հայցը ընդունվել է Աջափնյակ եւ Դավիթաշեն վարչական շրջանների ընդհանուր իրավասության դատարանի վարույթ: Այս մասին այսօր՝ ապրիլի 18-ին, NEWS.am-ը տեղեկանում է Դատական տեղեկատվական համակարգից:

Հայցերի քննությունը կմեկնարկի հուլիսին:

Հանրապետության 30 դպրոցի եւ մանկապարտեզի տնօրեն, որոնք ըստ «Իրազեկ քաղաքացիների միավորման» ՀԿ-ի՝ խորհրդարանական ընտրությունների համար ձայն են հավաքագրել Հանրապետական կուսակցության համար, հայց են ներկայացրել՝ ընդդեմ ՀԿ-ի եւ Դանիել Իոաննիսյանի: