Հռոմի Պապը բոլոր քրիստոնյաներին շնորհավորել է Զատիկի կապակցությամբ
Սուրբ Պետրոսի տաճարում մատուցված պատարագից հետո Հռոմի Պապ Ֆրանցիսկոսը դիմել է քրիստոնյաներին՝ խոսելով Քրիստոսի Հարության խորհրդի մասին:
Տասնյակ հազարավոր հավատացյալների առջեւ նա հանդես է եկել «Քաղաքին ու աշխարհին» ուղղված ուղերձով:
Մինչ Պապի՝ Վատիկանի գլխավոր բազիլիկայի կենտրոնական մաս դուրս գալը, հնչել են Իտալիայի եւ Վատիկանի հիմները:
«Քրիստոս հարյավ ի մեռելոց»,- ողջունել է Պապը: Նա խաղաղության կոչ է հնչեցրել: Խոսելով թեժ կետերի մասին՝ նա Տիրոջը խնդրել է «ամբողջ Մերձավոր Արեւելքին խաղաղություն բերել՝ սկսած Սուրբ հողից», ինչպես նաեւ «Սիրիայի, Իրաքի, Եմենի, աֆրիկյան երկրների՝ Սուդանի, Հարավային Սուդանի, Սոմալիի, Կոնգոյի ժողովուրդներին, որոնք տառապում են հակամարտությունների արդյունքում»:
Նա Ուկրաինայում հակամարտության շուտափույթ կարգավորման կոչ է արել, խոսել Եվրոպայում գործազրկության դեմ պայքարի անհրաժեշտության մասին, ինչպես նաեւ հաջողություններ ու առողջություն է մաղթել փախստականներին ու միգրանտներին, հիվանդներին ու երեխաներին:
Ֆրանցիսկոսը նշել է, որ ողջ աշխարհի քրիստոնյաները միաժամանակ են նշում Զատիկը: Նրա անունից հավատացյալներին Զատիկի կապակցությամբ մեղքերի խորհրդանշական թողություն է արվել:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էնցո Ֆերնանդեսը ցանկանում է հեռանալ Չելսիից
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են