Մեքսիկական քաղաքը ծածկվել է կարկուտի մեկ մետրանոց շերտով

Մեքսիկական Գվադալահարա քաղաքը ուժեղ կարկուտից հետո սառույցով է ծածկվել, հայտնում է Economista պարբերականը:

Պարբերականը նշում է, որ որոշ շրջաններում շերտի հաստությունը հասնում է մեկ եւ ավելի մետրի:

Տեղական լրատվամիջոցներում հրապարակված լուսանկարներում երեւում է, որ սառույցը ծածկել է ճանապարհների մեծ մասը, երթեւեկությունը դադարեցվել է, մի քանի ավտոմեքենաներ գրեթե ամբողջությամբ սառույցի տակ են: Շատ շենքեր քանդվել են:

Խաղաղ բնակիչներին օգնության են հասնում զինվորականները: «Այսպիսի կարկուտ դեռեւս չէր գրանցվել: Իշխանությունները հայտարարում են, որ առաջին անգամ է նման իրադարձություն գրանցվում»,- ասել է 14-րդ հետեւակային գումարտակի հրամանատար Սերխիո Լոպես Լարան:

Խալիսկո նահանգի Քաղաքացիական պաշտպանության եւ հրշեջ պահպանության վաչության տնօրեն Վիկտոր Ուգո Ռոլդանը հայտնել է, որ դեռեւս տեղեկություններ չկան կարկուտի պատճառով տուժածների մասին:

Diario de Mexico պարբերականի տեղեկություններով՝ քաղաքը սառույցից մաքրելու աշխատանքներին մասնակցում են զինվորականները, քաղաքացիական պաշտպանության ուժերի եւ տեղական իշխանության մարմինների աշխատակիցները: Արդեն հաջողվել է մաքրել սառույցով ծածկված տարածքի մոտ 70 տոկոսը:

Բաժանորդագրվեք Top-News.am-ին Telegram-ում