ՀՅԴ-ականներն իրենց վրա են վերցնում ակտիվիստին ծեծելու մեղադրանքը. ուղիղ

ՀՅԴ-ական գործիչ, «Երկիր մեդիա» հեռուստաընկերության լրատվական և հասարակական-քաղաքական հաղորդումների տնօրեն Գեղամ Մանուկյանն իր ֆեյսբուքյան էջում անդրադարձել է ակտիվիստ Վարդան Հարությունյանին ծեծի ենթարկելու միջադեպին:

Հիշեցնենք, որ վերջինս բռնության ենթարկվելու համար մեղադրել էր դաշնակցականներին:

«Հայտնեմ, որ երեկ հայտարարություն արած բերանը ամեն տեղ, այդ թվում սոցցանցերում շաղ տված, մեր ազգային արժեքները ստորացնող, Արցախն ու հոգեւոր արժեքները հայհոյող, մանուկների աչքի առաջ պապու վրա հարձակվող ոմն Վարդան Հարությունյանին ես եմ ծեծել։ Մեկն եմ նրանցից, որ դաստիարակչական ապտակ կտայի։ Այժմ գնում եմ Կենտրոն ոստիկանություն, ներկայանալու իրավապահներին»,-գրել է նա։

Համանման հայտարարություններով են հանդես գալիս նաև այլ դաշնակցականներ՝ նշելով, որ հենց իրենք են եղել Վարդան Հարությունյանին ծեծի ենթարկողները: