«Ճաշ երկնքում». Կոջորիում բացվել է ատրակցիոն-ռեստորան

Dinner In The Sky ընկերությունը Թբիլիսիից ոչ հեռու գտնվող Կոջորի համայնքում գործարկել է «Ճաշ երկնքում» ճոճվող ռեստորանը:

Dinner In The Sky-ը հաճախորդներին առաջարկում է ճաշել 50 մետր բարձրության վրա:

Ճոճվող ռեստորանի հարթակը նախատեսված է 22 հոգու համար։ Ընկերությունն անվտանգության 100% երաշխիք է տալիս: Ամեն ինչ կառուցված է գերմանական ստանդարտներով և հագեցած է բելգիական սարքավորումներով:

 Այցելուներին առաջարկվում է վրացական խոհանոցի ուտեստներ և տեղական գինի: Ամեն օր` ժամը 17:00-ին սկսվում է գինու համտեսումը՝ Tbilisi Daylight-ը, արժեքը մեկ անձի համար կազմում է մոտ 75 դոլար: Կա նաև լանչ և ընթրիք:

Ռեստորանը սեզոնային է: Կաշխատի միայն գարնանը ու ամռանը: Կոջորիում ռեստորան բացելու համար Dinner In The Sky-ը 5 մլն դոլարի ներդրում է արել:

Սպասվում է, որ 2020 թ.-ին նման ռեստորան կսկսի գործել նաև Բաթում քաղաքում:

«Ճաշ երկնքում» առաջին ռեստորանը բացվել է 2006թ., Բելգիայում: