Շատ շատերին եմ կարոտում․ Սերժ Սարգսյանի հարցազրույցը
Սենտիմենտալություն չլինի, բայց առաջին հերթին կարոտում եմ այն տղաներին, որոնք մեր գոյամարտի ընթացքում զոհվել են։ Այս մասին ՀՀ երրորդ նախագահ Սերժ Սարգսյանը այսօր՝ մայիսի 9-ին, ասաց Արցախի հանրային հեռուստաընկերությանը տված հարցազրույցում՝ հիշելով Արցախյան պատերազմի մարտական ընկերներին։
«Սենտիմենտալություն չլինի, բայց ես առաջին հերթին կարոտում եմ այն տղաներին, որոնք մեր գոյամարտի ընթացքում զոհվել են։ Ես շատ եմ կարոտում Վազգենին, իհարկե Ավոյին, որ շատ ավելի հայտնի է որպես Մոնթե Մելքոնյան, կարոտում եմ «ասկոլկային»՝ Աշոտին, Յուրային, կարոտում եմ Նորիկին՝ Մարտակերտի հրամանատարին, կարոտում եմ Դուշման Վարդանին, կարոտում եմ Լյովային, շատ շատերին եմ կարոտում։ Եվ այս մի քանի օրերի ընթացքում ես կաշխատեմ այցելել մեր տղաների շիրիմներին՝ գոնե ինչ-որ չափով իմ հարգանքը վերահաստատելու։
Ակնհայտ է, որ առանց ավագ սերդի՝ շատ լուրջ հաջողությունների հասնել հնարավոր չէ, անկասկած երիտասարդների դերակատարությունը շատ մեծ է, բայց մենք էլ, այն ժամանակ երիտասարդներս, չէինք կարող պատվով դուրս գալ այդ փորձությունից, հաղթահարել մարտահրավերները, եթե մեր հայրերն ու պապերը Երկրորդ աշխարհամարտին՝ Հայրենական մեծ պատերազմի ժամանակ իրենց այդպես փայլուն չդրսեւորեին»,- ասաց Սերժ Սարգսյանը։
Լրագրողի հարցին, թե ինչ ծրագրեր ունի Արցախում, նախկին նախագահը պատասխանեց․ «Ծրագրերը միշտ էլ պակաս չեն եղել, տեսնենք, մտադիր եմ այցելել նաեւ Ամարաս՝ հասկանալու համար, թե ինչ վիճակում է գտնվում Ամարասը, որովհետեւ առանց Ամարասի, առանց Գանձասարի՝ դարերի իմաստնությունը իրենց մեջ կուտակած հուշարձանների, անհնար է հայրենիքը պատվով պաշտպանել»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Պատրաստվելով Օմանում մեր դեսպանության բացմանը. Կադրից դուրս
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար