Ոտքերի ցավը` քաղցկեղի ախտանշան

Մենք ֆիլմերում եւ հեռուստահաղորդումներում հաճախ ենք տեսնում, որ բժիշկները, որոնք պացիենտին պետք է հայտնեն իր ախտորոշման մասին, նրա հետ միասին մտնում են կաբինետ եւ լուրջ տեսքով ասում. «Նստեք, խնդրեմ: Մենք պետք է ձեզ ինչ-որ բան հայտնենք»: Բրիտանացի լրագրող Ջերեմի Բոուենի հետ ամեն ինչ ամենեւին այդպես չի եղել:

Երբ նրան կոլոնոսկոպիա են կատարել, բժիշկներից մեկը էկրանին նայելով՝ մյուսին ուղղակի ասել է. «Հմմ, սա քաղցկեղի է նման»: Ջերեմի Բոուենը այս զրույցը լսել է, բայց հզոր անզգայացնողների ազդեցությամբ ամեն ինչ անմիջապես չի գիտակցել:

59-ամյա լրագրողը բժիշկների օգնությանն է դիմել ոտքերի եւ թիկունքի ցավերի գանգատներով: Պացիենտն այդ զգացողությունները նկարագրել է որպես «ցավ, որն առաջանում է գերծանրաբեռնվածության հետեւանքով»: Զննումը ցույց է տվել, որ իրականում նրա մոտ առկա էր աղիների քաղցկեղ:

Աղիների քաղցկեղի ախտանիշների մասին խոսելիս բժիշկները սովորաբար մի քանիսն են առանձնացնում, որոնց մեծ մասը կապված է մարսողության եւ արտաթորման հետ: Բայց լրագրողը փորի շրջանում ոչ մի ցավ կամ անհարամրություն չուներ, կղանքի հետ կապված եւս խնդիրներ չկային: Նրա մոտ ատիպիկ ախտանիշներ էին: Բժիշկների խոսքով՝ բորբոքային պրոցեսները կարող են արտահայտվել ախտանիշներով, որոնք հեռու են բորբոքման օջախից, ուստի ոտքերում կամ թիկունքում ցավը միանգամայն կարող են լինել օնկոլոգիական հիվանդության նշան:

Եթե մարդուն անհանգստացնում են վնասվածքների հետ չկապված ցավեր, մասնագետները խորհուրդ են տալիս դիմել բժշկի եւ համալիր հետազոտություն անցնել: Որոշ դեպքերում անգամ, առաջին հայացքից, անմեղ ցավը կարող է լինել լուրջ հիվանդության նախագուշակը: Եվ Ջերեմի Բոուենը իր դեպքի մասին պատմում է, որպեսզի այս մասին մարդկանց տեղեկացվածությունը մեծացնի:

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել