Ուիլյամ Լահյու․ Վրաստանում ռուսական ռազմական ուժերի ներկայությունը չի կանգնեցնի երկրի անդամակցությունը ՆԱՏՕ-ին
Վրաստանում ռուսական ռազմական ուժերի ներկայությունը չի կանգնեցնի երկրի անդամակցությունը ՆԱՏՕ-ին։ Այս մասին հայտնել է Հարավային Կովկասում դաշինքի ներկայացուցիչ Ուիլյամ Լահյուն «Կոմերսանտ» թերթին տված հարցազրույցում։
Լահյուն նշել է, որ ՆԱՏՕ-ին Վրաստանի անդամակցությունից հետո երկիրը պետք է ինքնուրույն լուծի Աբխազիայի ու Հարավային Օսեթիայի կարգավիճակների հարցը։ «Այդ հարցը Վրաստանը պետք է ինքնուրույն լուծի։ ՆԱՏՕ-ի բոլոր անդամները ճանաչում են Վրաստանի տարածքային ամբողջականությունը։ Ու երբ Վրաստանը ստանա ՆԱՏՕ-ի անդամի կարգավիճակ, նա ստիպված կլինի ինքնուրույն լուծել այդ տարածքների կարգավիճակի հարցը։ Քանի որ ոչ ոք այդ տարածքներում հինգերորդ պարագրաֆը չի գործարկի»,- ասել է Լահյուն։
Ըստ ՆԱՏՕ-ի հինգերորդ պարագրաֆի, մասնակից երկրներից մեկի վրա հարձակումը նշանակում է հարձակում ընդհանուր դաշինքի վրա։
Միաժամանակ Լեհյուն նշել է, որ կա տարբերակ, որի դեպքում ՆԱՏՕ-ն կհրավիրի Վրաստանին, բայց այդ տարածքների վրահինգերորդ պարագրաֆը չի տարածվի։
Խոսելով այն մասին, թե երբ կարող է Վրաստանը դառնալ ՆԱՏՕ-ի անդամ, նա նշել է ։ «Եթե Վրաստանն ուզում է դառնալ ՆԱՏՕ-ի անդամ, ապա մենք կօգնենք նրան պատրաստվել դրան, դրանով իսկ բարեփոխելով պետությունը, որպեսզի ՆԱՏՕ-ի մյուս երկրներին էլ համոզենք, որ Վրաստանը պատրաստ է։ ՆԱՏՕ-ին անդամակցության վերջնական հարցը քաղաքական որոշում է։ Պետք է լինի փոխհամաձայնություն, բոլորին պետք է համոզել։ Առայսօր Վրաստանին ընդունելու հարցով փոխհամաձայնություն չկա։ Դեռ կան կասկածներ Վրաստանի՝ պատրաստ լինելու մասին։ Բայց գործը կամաց- կամաց առաջ է գնում։ Ու մի օր Վրաստանը կստանա այդ հրավերքը։ Իսկ թե հատկապես երբ՝ ես չգիտեմ»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են