Սահակաշվիլու դասը Քոչարյանի գործով դատախազին և քննչական խմբի ղեկավարին
Օրերս «Իրատես» թերթը գրել էր, որ Հայաստանի երկրորդ նախագահ Ռոբերտ Քոչարյանի գործն իրավապահ համակարգի գլխին իսկական փորձանք է դարձել։ Քննչականի մեր աղբյուրները տեղեկացնում են, որ այս հարցում արդարադատությունը փակուղում է հայտնվել, քանի որ ամեն կերպ փորձում են Քոչարյանին պահել կալանքի տակ, սակայն ծանրակշիռ հիմնավորումներ դժվարանում են գտնել։
Ըստ մեր ունեցած տեղեկությունների՝ դատախազության և ՀՔԾ՝ տարիների փորձ ունեցող «եփված» մասնագետները փորձում են իրենց անունը չկապել այս գործին, քանի որ հասկանում են, որ ինչ-որ ժամանակ գալու է նաև պատասխանատվություն կրելու ժամանակը։ Քոչարյանի գործի հիմքերը ջուր են, ու դրանով զբաղվող քննիչները և դատախազները պետք է նաև բավական ստեղծագործական ջիղ ունենան, որպեսզի կարողանան հիմանվորել այն, ինչ ցանկանում են գործող իշխանությունները։
Այս գործով նոր իշխանություններին իրենց անմնացորդ ծառայություններ են մատուցում դատախազ Պետրոս Պետրոսյանը և քննչական խմբի ղեկավար Հրաչ Մուշեղյանը։
Բայց շատ կարևոր է, որ դատախազն ու քննչական խմբի ղեկավարը գիտակցեն, որ հնարավոր իշխանափոխության դեպքում կատարված քաղաքական հրահանգների համար իրենք են պատասխան տալու։ Հասկանալու համար այս իրականությունը, պետք չէ հեռու գնալ և պետք է նայել Վրաստանի օրինակին։ Սահակաշվիլիի իշխանության տարիներին քաղաքական հրահանգով իրավապահ համակարգը հարյուրավոր գործիչների դեմ շինծու, թույլ հիմքերով գործեր էր կարել։ Իշխանափոխությունից հետո, երբ Սահակաշվիլին լքեց Վրաստանը, իր կողմից իջեցված քաղաքական հրահանգները կատարելու համար պատժվեցին բազմաթիվ դատախազներ, քննիչներ և ոստիկաններ։ Հայաստանում էլ վաղ թե ուշ այս իշխանությունները չեն լինի, և հնարավոր է՝ իշխանության ղեկին հայտնվեն մարդիկ, որոնք փորձեն վերականգնել արդարությունը, որի վերականգնման դեպքում շինծու «գործ կարողները» կկանգնեն դատարանի առաջ։ Այդ ժամանակ գուցե անգամ Նիկոլ Փաշինյանը մեղադրի իրավապահ համակարգին հակաօրինական գործողություններ անելու մեջ։
Ի դեպ, պետք է նկատել, որ Ռոբերտ Քոչարյանի գործով դատախազը բոլոր իշխանությունների օրոք է փորձել անել մաքսիմալը, որպեսզի հաճոյանա իշխանություններին։ Նախկին իշխանությունների ժամանակ, օրինակ, նա Արցախի ազատագրության համար իր կյանքը վտանգած ազատամարտիկ Պավլիկ Մանուկյանին անվանում էր «թուրք»՝ «Սասնա ծռերի» գործով դատավարության ժամանակ։ Ըստ էության, նա ներգավվում է բոլոր այն գործերում, որի մասով տվյալ պահի իշխանությունը քաղաքական պատվեր է իջեցնում։
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ