ԼՂ հակամարտության կարգավորման հետ կապված ոչ մի «Լավրովի պլան» գոյություն չունի
Լեռնային Ղարաբաղի հակամարտության կարգավորման հետ կապված ոչ մի «Լավրովի պլան» գոյություն չունի, քննարկվում են միայն ԵԱՀԿ Մինսկի խմբի համանախագահների հավաքական առաջարկները: Այդ մասին հայտարարել է Ռուսաստանի Դաշնության արտգործնախարար Սերգեյ Լավրովն ադրբեջանական ԱՊԱ գործակալության մոսկովյան թղթակցին տված հարցազրույցում:
«Բազմիցս հրապարակայնորեն հայտարարել եմ, որ ոչ մի «Լավրովի պլան» գոյություն չունի»,- ընդգծել է ՌԴ արտգործնախարարը: Ըստ նրա՝ գաղափարների հիմքում, որոնք այժմ քննարկվում են, ԵԱՀԿ Մինսկի խմբի համանախագահ երեք երկրների կողմից մշակված առաջարկներն են:
«Ավելի ճիշտ, խոսքն այն դրույթների մասին է, որոնք հնչեցվել են Լեռնային Ղարաբաղի հակամարտության վերաբերյալ Ռուսաստանի, ԱՄՆ-ի և Ֆրանսիայի նախագահների համատեղ հայտարարություններում: Դրանք քաջ հայտնի են»,- նշել է նախարարը: Ընդհանուր առմամբ, չհերքելով այդ հիմքը, կողմերը տարբեր կերպ են տեսնում դրա բաղադրիչների կյանքի կոչման հաջորդականությունը, ասել է ՌԴ ԱԳ նախարարը: «Խոսք այն մասին, որ այն փոխվի կամ առաջարկվեն ինչ-որ նոր պլաններ, որոնք կտրուկ կփոխեն համանախագահների մշակած սխեման, չկա»,- ասել է նա:
«Գլխավորը կողմերին հավասարակշռված քաղաքական լուծում գտնելու հարցում օգնելն է, որը թույլ կտա անցնել իրավաբանորեն պարտավորեցնող փաստաթղթերի պատրաստմանը»,- ընդգծել է Լավրովը:
Նրա խոսքով՝ ԵԱՀԿ Մինսկի խմբի համանախագահ երկրները հանդես են գալիս ղարաբաղյան կարգավորման հարցի շուրջ միասնական դիրքորոշմամբ:
«Իրապես, փետրվարի 16-ին Ադրբեջանի մայրաքաղաքում տեղի է ունեցել Ռուսաստանի զինված ուժերի գլխավոր շտաբի ղեկավար Վալերի Գերասիմովի և ԱՄՆ զինված ուժերի շտաբների պետերի միացյալ կոմիտեի նախագահ Ջոզեֆ Դանֆորդի հանդիպումը, որի ընթացքում քննարկվել են երկու երկրների հակաահաբեկչական համագործակցության հարցերը, մասնավորապես՝ Մերձավոր Արևելքի տարածաշրջանում»,- հիշեցրել է ՌԴ արտգործնախարարը:
Լավրովի խոսքով՝ ԵԱՀԿ Մինսկի խմբի համանախագահներն ակտիվորեն համագործակցում են միմյանց հետ: «Պարբերաբար այցելելով տարածաշրջան՝ նրանք, որպես կանոն, հանդես են գալիս միասնական դիրքերից Հայաստանի և Ադրբեջանի ղեկավարության հետ բանակցություններում»,- նշել է նախարարը: «Կարծում եմ, որ նման թիմային մոտեցումը վկայում է, թե ինչպես է կարելի և ինչպես է հարկավոր համագործակցել միջազգային հակամարտությունների հաղթահարման հարցում»,- հավելել է նա:
«Հուսով եմ՝ Լեռնային Ղարաբաղի հակամարտության հարցով մեր սերտ համագործակցությունը Վաշինգտոնի, ինչպես նաև Փարիզի հետ կշարունակվի»,- հայտարարել է Սերգեյ Լավրովը:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Պատրաստվելով Օմանում մեր դեսպանության բացմանը. Կադրից դուրս
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել