Ով է Սերգեյ Լազարևի գլխավոր մրցակիցը «Եվրատեսիլ»-ում

Ռուս երգիչ Սերգեյ Լազարևը, որն այս տարի Ռուսաստանը կներկայացնի «Եվրատեսիլ» երգի միջազգային մրցույթում, հայտարարել է, թե ում է համարում իր գլխավոր մրցակիցը: Այս մասին հայտնում է «РИА Новօсти»-ն:

Արտիստի խոսքով` հանդիսականներից շատերը կհամեմատեն իր ելույթն իր նախորդ կատարման հետ, երբ 2016 թվականին Ռուսաստանը կրկին ինքն էր ներկայացրել:

«Իմ գլխավոր մրցակիցը ես ինքս եմ` 2016 թվականին: Տեսնենք, թե ինչպես կստացվի: Չեմ սիրում կանխատեսումներ անել»,- ասել է Լազարևը:

Նա ընդգծել է, որ մրցույթին նախապատրաստվել սկսել է ամիսներ առաջ` համատեղելով համերգային շրջագայությունը փորձերի հետ:

«Եվրատեսիլ-2019»-ում երգիչը կներկայացնի Scream երգը, որի հեղինակները Ֆիլիպ Կիրկորովն ու հույն կոմպոզիտոր Դիմիտրիս Կոնտոպուլոսն են:

2016 թ. ռուս երգիչը գրավել էր երրորդ հորիզոնականը:

Այս տարի «Եվրատեսիլ»-ը կկայանա Թել Ավիվում` մայիսի 14-18-ը: Հայաստանը մրցույթում կներկայացնի Սրբուհի Սարգսյանը՝ Սրբուկը։

Այս թեմայով «Եվրատեսիլի» արդյունքները վերահաշվարկել են Սերգեյ Լազարևը կիսամերկ սելֆի է հրապարակել «Եվրատեսիլի» եզրափակչից առաջ «Եվրատեսիլ-2019»-ի առաջին կիսաեզրափակչի ուշագրավ պահերը՝ ֆոտոշարքով Լազարևը «Եվրատեսիլի» շեմին բժշկական օգնության կարիք է ունեցել Թել Ավիվում հայտարարվեցին առաջին կիսաեզրափակչի հաղթողների անունները