Պոմպեոն զգուշացրել է Սիրիայում Թուրքիայի միակողմանի ռազմական գործողությունների կործանարար հետեւանքների մասին
ԱՄՆ պետքարտուղար Մայք Պոմպեոն զգուշացրել է Սիրիայում Թուրքիայի միակողմանի ռազմական գործողությունների հնարավոր կործանարար հետեւանքների մասին: Նա այս մասին հայտարարել է Թուրքիայի ԱԳ նախարար Մեւլութ Չավուշօղլուի հետ հանդիպման ժամանակ, որը տեղի է ունեցել ՆԱՏՕ-ի նախարարական հանդիպման շրջանակում:
Պետքարտուղարությունը հայտնում է, որ Պոմպեոն աջակցություն է հայտնել հյուսիսարեւելյան Սիրիայի վերաբերյալ շարունակվող բանակցություններին՝ նախազգուշացնելով տարածաշրջանում Թուրքիայի միակողմանի ռազմական գործողությունների հնարավոր կործանարար հետեւանքների մասին: Նա նաեւ կոչ է արել արագ ավարտել Թուրքիայում ԱՄՆ քաղաքացիների անարդար ձերբակալման հետ կապված գործերը, ներառյալ Սերքան Գոլջի, ինչպես նաեւ Թուրքիայում ԱՄՆ դիվանագիտական առաքելության աշխատակիցների:
Պոմպեոն նաեւ քննարկել է իր մտավախությունները՝ կապված Թուրքիայի կողմից ռուսական Ս-400 ԶՀՀ-ների հնարավոր ձեռքբերման հետ: Թուրքիայի եւ ԱՄՆ-ի միջեւ պոտենցիալ տնտեսական հնարավորությունները եւս եղել են քննարկման կենտրոնում:
Անկարան դժգոհ է
Անկարային, սակայն, չի գոհացրել հանդիպման արդյունքներով Պետքարտուղարության հաղորդագրությունը: ԱՄՆ պետքարտուղար Մայք Պոմպեոյի եւ Թուրքիայի ԱԳ նախարար Մեւլութ Չավուշօղլուի հանդիպման արդյունքներով Պետքարտուղարության հայտարարությունները չեն արտացոլում դրա էությունը, ինչպես նաեւ խնդիրներ են պարունակում, որոնք բանակցությունների ժամանակ անգամ չեն քննարկվել: Այս մասին նշված է Թուրքիայի ԱԳՆ պաշտոնական ներկայացուցիչ Համի Աքսոյի հայտարարության մեջ, փոխանցում է ՏԱՍՍ-ը:
«Այսօր Պետքարտուղարության հրապարակած եւ ակնհայտորեն դեռեւս մինչ ԱԳ նախարար Մեւլութ Չավուշօղլուի եւ պետքարտուղար Մայք Պոմպեոյի հանդիպումը պատրաստված հայտարարությունը ոչ միայն չի արտացոլում հանդիպման բովանդակությունը, այլեւ պարունակում է հարցեր, որոնք նույնիսկ չեն հիշատակվել նշված հանդիպման ժամանակ: Համանման խնդիրներ են ծագել նաեւ նախորդ հանդիպումների ժամանակ»,- նշել է Աքսոյը: Դիվանագետը չի հստակեցրել, թե խոսքը կոնկրետ ինչ թեմաների մասին է: Նա շեշտել է, որ «նման հայտարարությունները պետք է առավել մանրակրկիտ պատրաստվեն, ընդ որում՝ անհրաժեշտ է խուսափել հարցերից, որոնք հանդիպումների ժամանակ չեն բարձրացվել»:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հանրապետության առանձին շրջաններում սպասվում է կարճատև անձրև և ամպրոպ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին