Զիդանի տրանսֆերային թիրախները՝ մինչեւ 250 միլիոն եվրոյով

Մադրիդի «Ռեալի» ֆրանսիացի գլխավոր մարզիչ Զինեդին Զիդանն ակումբի ղեկավարությանը ներկայացրել է իր առաջնահերթությունները ամառային տրանսֆերային շուկայում, գրում է Daily Mail–ը։

«Ռեալը» գրավիչ առաջարկներ կանի անգլիական «Մանչեսթեր Յունայթեդի» ֆրանսիացի կիսապաշտպան Պոլ Պոգբայի եւ Լոնդոնի «Չելսիի» բելգիացի հարձակվող Էդեն Ազարի տրանսֆերներով։

26–ամյա Պոգբայի տրանսֆերը գնահատվում է մոտ 100 միլիոն եվրո։ Նրա պայմանագիրը «Մանչեսթեր Յունայթեդի» հետ նախատեսված է մինչեւ 2021 թվականը։ 28–ամյա Ազարի համար «Ռեալը» ստիպված կլինի առաջարկել մինչեւ 150 միլիոն եվրո։ Բելգիացու պայմանագիրն անգլիական ակումբի հետ նախատեսված է մինչեւ հաջորդ մրցաշրջանի ավարտը։

Ընթացիկ մրցաշրջանում Պոգբան մանչեսթերյան թիմի հետ մասնակցել է 39 հանդիպման, խփել 14 գոլ, կատարել 10 գոլային փոխանցում։ Ազարը «Չելսիում» մասնակցել է 40 հանդիպման, խփել 16 գոլ, կատարել 11 գոլային փոխանցում։

Այս թեմայով Զիդանի որդու գեղեցիկ գոլը (տեսանյութ) Զիդանին արգելվել է շփվել լրագրողների հետ Զիդան. Նապոլին և Ռեալը հավասար շանսեր ունեն Զիդան. Առաջատարի եւ հետնապահի միջեւ տարբերություն չէր երեւում