Ինչպես գողանալ ցանկացած գաղտնաբառ եւ հեռախոսի PIN ծածկագիր

Բրիտանացի գիտնականները նկարագրել են սմարթֆոնի PIN ծածկագիրը գողանալու միջոցը, որը հիմնված է ակուստիկ ալիքների հաշվման վրա: Այս թեմայով Քեմբրիջի համալսարանի մասնագետների կողմից պատրաստված հոդվածը հայտնվել է Arxiv.org-ում, գրում է Planet Today-ը:

Երբ բջջային սարքի սեփականատերը PIN ծածկագիր կամ գաղտնաբառ է հավաքում, որոշակի ձայնային տատանումներ է կատարում: Եթե սարքը վարակվի տրոյանական ծրագրով, որը խոսափողի միջոցով հաշվարկի ձայները, ապա կարելի է ցանկացած PIN ծածկագիր կամ գաղտնաբառ ստանալ, ասում են բրիտանացի հետազոտողները:

Գիտնականները որոշել են հաստատել իրենց ասածը եւ Android օպերացիոն համակարգի համար լրտեսական հավելված ստեղծել, որը մուտքագրման ձայնով կորսա գաղտնաբառերը:

Մի քանի տասնյակ օգտատերերի մասնակցությամբ լրտեսական ծրագրային ապահովման փորձարկումը ցույց է տվել, որ նման կերպ կարելի է հասկանալ հավաքվող գաղտնաբառերի մոտ 60 տոկոսը:

«Կան նախազգուշական միջոցներ, որոնք կօգնեն ձեզ պաշտպանվել նման տեսակի հարձակումներից: Դուք կարող եք օրինակ գաղտնաբառի հավաքման ժամանակ անջատել ձեր գաջեթի խոսափողը, ինչպես նաեւ աղմուկը ճնշող տարբեր աքսեսուարներ օգտագործել», — ասում են սմարթֆոնները կոտրելու նոր մեթոդի հեղինակները:

Ավելի վաղ կիբերանվտանգության ոլորտի փորձագետները վտանգավոր խոցելիություն էին հայտնաբերել Android-ի UC Browser-ում: Խոցելիությունը թույլ է տալիս բջջային սարքերը վարակել վնասակիր սոֆտով: