107-ամյա իրանցին պատրաստվում է առաջադրել իր թեկնածությունը

Իրանի 107-ամյա բնակիչ Ֆեյզոլա Ֆաթխին սկսել է իր թեկնածության գրանցումը տեղական ինքնակառավարման մարմինների ընտրություններում։ Այս մասին հաղորդում է BBC News-ը։

Տղամարդը դիմել է Դիվանդերեի ընտրական հանձնաժողով՝ իր 73–ամյա կնոջ՝ Ջահանի հետ, ով նույնպես պատրաստվում է առաջադրվել գյուղխորհրդում։

Նա հայտարարել է, որ ընտրվելու դեպքում «կծառայի ժողովրդին եւ կյանքը կնվիրի ժողովրդի պրոբլեմներին»։ 

Տեղական ինքնակառավարման մարմինների ընտրություններին գրանցված1889  թեկնածուների տարիքը գերազանցում է 75-ը։

Սպասվում է, որ քվեարկությունը տեղի կունենա Իրանի նախագահական ընտրությունների հետ նույն օրը՝ մայիսի 19-ին։ 

Top-News.am