Ղարաբաղյան հակամարտությունը հնարավոր չէ լուծել առանց Ղարաբաղի, իսկ ՄԽ առաջարկությունները Երևանի ու Բաքվի կողմից չեն ընդունվի
Հայտարարությունից պարզ դարձավ, որ հենց մադրիդյան փաստաթուղթն է Լեռնային Ղարաբաղի հակամարտության կարգավորման բանակցային գործընթացի հիմքում: Այս մասին Tert.am-ի հետ զրույցում ասաց քաղաքագետ Ստանիսլավ Տարասովը՝ խոսելով ԵԱՀԿ Մինսկի խմբի համանախագահների վերջին հայտարարության մասին:
«Պետք է շատ ուշադիր կարդալ Մինսկի խմբի հայտարարությունը: Հայկական, ռուսական ու ադրբեջանական լրատվամիջոցներում Մինսկի խմբի հայտարարության կեղծ մեկնաբանություններ են հնչում: Այնինչ այդ հայտարարության մեջ շատ հետաքրքրական շեշտադրումներ կան:
Նախ ՄԽ-ն առաջին անգամ հրապարակային հնչեցնում է Մադրիդյան փաստաթղթի սկզբունքները: Դրանք նախկինում մաս առ մաս հրապարակվել են, բայց ոչ պաշտոնական աղբյուրներից: Պարզ դարձավ, որ հենց Մադրիդյան փաստաթուղթն է բանակցային գործընթացի հիմքում»,- ասաց Ստանիսլավ Տարասովը:
Խոսելով Մինսկի խմբի հայտարարության մեջ ներառված այն մտքի մասին, որ իրենք կողմնակից չեն ներկայիս ֆորմատի փոփոխությանը, երբ Նիկոլ Փաշինյանը խոսում է Ղարաբաղի մասնակցության մասին, Տարասովն ասաց, որ ՄԽ-ն հստակ չի ձևակերպում, որ դեմ է Ղարաբաղի մասնակցությանը բանակցային սեղանին:
«ՄԽ-ն ասում է, որ ներկայիս ֆորմատին է կողմնակից: Սա ընդհանրական ձևակերպում է: Հարց է առաջանում՝ 90-ականներին հաստատված բանակցային ֆորմատը՝ Ղարաբաղ, Ադրբեջան, Հայաստան ներկայիս ֆորմատը չէ՞. չէ՞ որ Հայաստանը միակողմանի որոշում կայացրեց ֆորմատը փոխել ու բանակցել երկու կողմով: Սա մշուշոտ ձևակերպում է, հստակ չէ, չի կարելի ենթադրել, որ իրենք դեմ են»,- նշեց Ստանիսլավ Տարասովը:
Նրա խոսքով՝ ԵԱՀԿ ՄԽ-ն աջակցում է երկու ղեկավարների հանդիպմանը: Ստանիսլավ Տարասովը նշեց, որ բանակցությունները փակ են, կողմերը, միջնորդները չեն պատմել, թե ինչ է քննարկվում դռների ետևում, ուստի դժվար է ասել՝ առաջիկա հանդիպումն արդյունավետ կլինի, թե ոչ: Միաժամանակ նա վստահ է, որ եղել են հանդիպումներ ոչ ՄԽ հովանու ներքո:
«Կարծում եմ, որ ՄԽ առաջարկությունները Երևանի ու Բաքվի կողմից չեն ընդունվի: Տարբեր պատճառներով Մադրիդյան փաստաթուղթն ընդունելի չէ որևէ կողմի համար: Եթե հանդիպումը տեղի ունենա, իսկ ես կասկածում եմ, որ ՄԽ հովանու ներքո հանդիպում լինի, չգիտեմ, թե ինչի մասին են խոսելու Փաշինյանն ու Ալիևը:
Նրանք ՄԽ առաջարկները մերժում են, ՄԽ օրակարգն ընդունելի չէ, մեկը Ա է ասում, մյուսը՝ Բ: Եթե Փաշինյանն ու Ալիևն առանձին հանդիպեն իրենց օրակարգով, գուցե օրակարգ ձևավորվի»,- մանրամասնեց Ստանիսլավ Տարասովը:
Քաղաքագետը նկատեց, որ ղարաբաղյան հակամարտությունը հնարավոր չէ լուծել առանց Ղարաբաղի:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են