Թիմ Քուք. IT մասնագետի համար բարձրագույն կրթությունը պարտադիր չէ
Կոդինգը ապագայի հմտություն է, ասում է Apple-ի ղեկավարը։ Համալսարաններում չեն սովորեցնում այն, ինչ անհրաժեշտ է իրական աշխատանքի համար։ Թեեւ, ինչպես նշում են այլ փորձագետներ, դիպլոմով IT-ով աշխատանքի տեղավորվելն առայժմ ավելի հեշտ է։ Բայց որպեսզի քեզ պահեն, պետք է ինքդ սովորես, տեղեկացնում է HighTech-ը։
Թիմ Քուքը IT-ում կրթության դերի մասին խոսել է ԱՄՆ աշխատուժի երաշխավորող խորհրդի հետ հանդիպման ժամանակ։ Նրա գնահատականով՝ Apple-ի աշխատակիցների կեսը բարձրագույն կրթություն չունի, իսկ որպեսզի յուրացնես հմտություններից կարեւորագույնը՝ ծրագրավորումը, ինստիտուտում երկար տարիներ անցկացնելու կարիք չկա։
«Մենք ուսումնասիրում ենք քոլեջներում ստացած հմտություններն այն հմտությունների հետ, որոնք, մեր կարծիքով, անհրաժեշտ են ապագայում... Կոդինգը մենք համարում ենք կարեւոր հմտություն։ Եվ հիմա հավատում ենք, որ Միացյալ Նահանգներում ամեն երեխա անպայման պետք է յուրացնի այն դպրոցում»,- ընդգծել է Քուքը։ Dice պարբերականը նշում է, որ Apple-ի ղեկավարը խոսել է ընկերության բոլոր աշխատողների մասին, ներառյալ նրանց, ովքեր աշխատում են մանրածախ վաճառքի կետերում։ Նրանց համար բարձրագույն կրթությունը հաստատ պարտադիր պահանջ չէ։
HackerRank-ի հետազոտությունը հաստատել է, որ այթի աշխատողների համար կրթության ամենատարածված մեթոդը ինստիտուտի եւ ինքնակրթության համադրումն է՝ 38 տոկոս։ Եվս 32 տոկոսն ասել է, որ լիովին հենվել է ինստիտուտի տված գիտելիքների վրա։ Բայց HackerRank-ը նշում է, որ նրանք չեն յուրացրել աշխատանքի համար անհրաժեշտ բոլոր լեզուներն ու ֆրեյմվորքերը։
DigitalOcean-ի հետազոտությունը հաստատում է, որ բութքամփների շրջանավարտներն իրենց ավելի վստահ են զգում գործնական խնդիրները լուծելիս, քան համալսարանների շրջանավարտները՝ 60 տոկոսը 36-ի դիմաց։
Իսկ Dice Salary Survey-ը հաստատել է ինքնուսուցման կարեւորությունը աշխատավարձի բարձրացման համար։ Միջինը IT պրոֆեսիոնալը ԱՄՆ-ում ստանում է 93244 դոլար, բայց լրացուցիչ հմտություն՝ Golang լեզու սովորելը աշխատավարձն ավելացնում է մինչեւ 133 000 դոլար։


















































90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին