Գիտնականները պարզել են, թե ինչու է Երկիրը ամեն 100 000 տարին մեկ ծածկվում սառցաշերտով

Երկրի սառցե գլխարկները հեռավոր անցյալում Անտարկտիկայի հոսանքների դադարեցման եւ մթնոլորտում СО2-ի մասնաբաժնի կտրուկ նվազման պատճառով ամեն 100 000 տարին մեկ սկսել են նահանջել եւ գրոհել՝ հայտնում է Science ամսագիրը։

Ժամանակակից սառցե դարաշրջանը Երկրի պատմության մեջ, ինչպես համարում են երկրաբանները, սկսվել է մոտ 2,6 մլն տարի առաջ։ Դրա գլխավոր առանձնահատկությունն այն է, որ սառցակալման մակերեսը եւ Երկրի մակերեւույթի ջերմաստիճանը կայուն չեն եղել։ Այլ կերպ ասած՝ սառցաշերտերը նահանջել եւ գրոհել են։

Այդ փուլերը, ինչպես այսօր կարծում են շատ գիտնականներ, առաջին հերթին կապված են, այսպես կոչված, Մալանկովիչի փուլերի՝ Երկրի ուղեծրի «օրորումների» հետ, որոնցից կախված է, թե որքան շատ ջերմություն կստանան բեւեռները։