Բրիտանացի գիտնականը պարզել է, թե ինչու են մարդիկ ավելի քիչ վստահում իրար

Ծնելիության նվազեցումը եւ ընտանիքների չափերի փոքրացումը կարող են քաղաքականությունում կարծիքների բեւեռացման եւ մարդկանց միջեւ աճող անվստահության գլխավոր պատճառները լինել: Scientific Reports ամսագրում այս մասին գրում է հայտնի բրիտանացի սոցիոլոգ Դեւիդ Բարետտան:

«Օրենքները եւ պետությունը կարող են փոխարինել սոցիալական նորմերի գործառույթների մի մասը, որոնք նախկինում կատարում էին ընտանքիները եւ ավանդական բարեկամական կապերը: Մյուս կողմից, մարդիկ չեն դադարում զգալ, որ իրենք կապված չեն այլ անհատների հետ եւ ապրում են վստահության ցածր մակարդակ ունեցող հասարակությունում»,-ասել է սոցիոլոգը՝ պատասխանելով «ՌԻԱ Նովոստիի» հարցերին:

Նա նման եզրակացության է եկել՝ վերլուծելով աշխարհում ներկայիս դեմոգրաֆիական իրադրությունը: Դեմոգրաֆիկ անցման տեսության համաձայն՝ ամբողջ մարդկության եւ առանձին քաղաքակրթությունների եւ երկրների պատմությունը կարելի է 3 հստակ պատմական ժամանակշրջանների բաժանել՝ հիմնվելով երկու հիմնական չափանիշների վրա՝ ծնելիության եւ մահացության:

Առաջին ժամանակաշրջանում, որն իր մեջ ներառում է ամբողջ պատմությունը մինչեւ արդյունաբերական դարաշրջան, մոլորակի բնակչության աճը բարձր մահացության պատճառով դանդաղել է:

Գիտատեխնիկական հեղափոխության սկսվելուց հետո սկսվել է երկրորդ փուլը, որը կապված է մահացության կտրուկ նվազման հետ: Նրա գագաթնակետը հասել է XX դարի կեսերին, երբ շատ նախկին գաղութներ եւ երրորդ աշխարհի երկրներ առաջընթացի հասնելու հնարավորություն են ունեցել: