ԵԱՀԿ Մինսկի խումբը պատերազմը կանխելու միակ ճանապարհն է. Վրաստանում ԱՄՆ դեսպան
ԵԱՀԿ Մինսկի խումբը կարեւոր է այն պատճառով, որ սա միակ ճանապարհն է պատերազմը կանխելու: Այս մասին Jnews-ին տված հարցազրույցում նշել է Վրաստանում ԱՄՆ դեսպանի Յան Քելլին, ով նախկինում եղել է Մինսկի խմբի ամերիկացի համանախագահ:
Հարցին, թե որքանո՞վ է հավանական հակամարտության էսկալացիան, դեսպանը պատասխանել է. «Ամենակարեւորն այն է, որ չլինի պատերազմ: Որովհետեւ, եթե լինի պատերազմ ապա շատ դժվար է կանխատեսել, թե ինչ տեղի կունենա, եւ ինչպես այն կազդի Վրաստանի վրա: Սակայն ամենակարեւորը, իմ կարծիքով, ոչ Հայաստանի, եւ ոչ էլ Ադրբեջանի շահերից չի բխում սկսել պատերազմ: Երկուսն էլ, ցավոք շահ են փնտրում: Դա լավ չէ, քանի որ մարդիկ են մահանում, երիտասարդներ են մահանում այնտեղ: Բայց սա պատերազմ չէ: Ես չեմ կարծում, որ Բաքուն ցանկանում է պատերազմել: Քանի որ նրանք գիտեն, որ այդ պատերազմը կոչնչացնի իրենց տնտեսությունը: Հայերը չեն ուզում պատերազմ: Ինչու է այս պրոցեսում կարեւոր Մինսկի խումբը: Քանի որ այս խմբի շնորհիվ կա երկխոսություն Երեւանի եւ Բաքվի միջեւ: Ես կցանկանայի որ լիներ ավելի շատ երկխոսություն, բայց նրանք խոսում են միմյանց հետ արտգործնախարարների մակարդակով»:
Դիտարկմանը, որ այնուամենայնիվ Մինսկի խումբը եւ երկխոսությունը այս համատեքստում համարվում են պասիվ եւ չգործող, Քելլին արձագանքելն է. «Այո, այն պատճառների շնորհիվ որ կողմերը իրենք չեն ցանկանում լուծել հակամարտությունը, այնտեղ կա շատ քիչ առաջընթաց հակամարտության լուծման համար, բայց միեւնույն ժամանակ Մինսկի խումբը կարեւոր է այն պատճառով, որ սա միակ ճանապարհն է պատերազմը կանխելու»:
Վրաստանում ԱՄՆ դեսպանը նշել է, որ Վրաստանում առկա է շատ հանդուրժողական եւ լավ փոխհարաբերություններ հայերի եւ ադրբեջանցիների միջեւ. «Գուցե դա չի համապատասխանում իրականությանը, բայց ես գիտեմ, որ կա սարսափելի թշնամանք Երեւանի եւ Բաքվի միջեւ: Այն ավելի վատ է, քան կաթոլիկների եւ բողոքականների միջեւ, կամ Հյուսիսային Իռլանդիայի եւ Մեծ Բրիտանիայի կամ հրեաների եւ պաղեստինցիների միջեւ Իսրայելում, կամ թուրքերի եւ հույների, այն ավելի վատ է: Բայց այստեղ Վրաստանում, կարծում եմ, որ քիչ թե շատ նորմալ հաղորդակցություն կա համայնքների միջեւ»:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են