Ճապոնական զոնդը բարեհաջող վայրէջք է կատարել Ռյուգու երկնաքարի վրա

Ճապոնական միջմոլորակային «Հայաբուսա 2» զոնդը վայրէջք է կատարել Ռյուգու երկնաքարի վրա՝ դրա վրա գտնվող նյութերի փորձանմուշները հավաքելու ու Երկիր տեղափոխելու համար: Այս մասին հաղորդում է РИА Новости-ն՝ JAXA գործակալությանը հղումով:

Ընդամենը 900 մետր տրամագծով այս երկնաքարը գտնվում է Երկրից 300 միլիոն կիլոմետր հեռավորության վրա: Ճապոնական զոնդը երկնաքարին է մոտեցել 2018 թվականի հունիսին՝ թռիչքի մեկնարկից գրեթե 3,5 տարի անց, իսկ սեպտեմբերին Ռյուգուի վրա վայրէջք են կատարել երկու ճապոնական ռոբոտներ՝ Rover-1A-ն և Rover-1B-ն, որոնք Երկիր են ուղարկել երկնաքարի վրա արված առաջին լուսանկարները:

Գիտնականները ենթադրում են, որ Ռյուգուի վրա իրենց կհաջողվի գտնել 4,6 միլիարդ տարի առաջ արեգակնային համակարգի և Երկրի վրա կյանքի ստեղծման վերաբերյալ հարցերի պատասխանները: Երկնաքարի ուղեծիրն անցնում է Երկրի և Մարսի ուղեծրերի մոտով, ինչը գիտնականներին հիմք է տալիս հուսալ, որ դրա հողի մեջ կարող են հայտնաբերվել ջրի ու օրգանական նյութերի հետքեր:

«Հայաբուսա 2» զոնդը պետք է Երկիր վերադառնա 2020 թվականին:

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է