Թուրքական ընդդիմադիր թերթի 4 լրագրող դատապարտվել է ազատազրկման

Թուրքական ընդդիմադիր «Ջումհուրիյեթ» պարբերականի 4 լրագրող դատապարտվել է ազատազրկման, այս մասին հաղորդում է թուրքական diken.com.tr կայքը:

Հայտնի է, որ լրագրողներ Հաքան Քարան, Մուստաֆա Քեմալ Գյունգյորն ու Մուսա Քարթը դատապարտվել են 1 տարի 16 օրվա, իսկ Էմրե Իփերը՝ 3 տարի 15 օրվա ազատազրկման:

«Ջումհուրիյեթ»-ի լրագրողների ու ղեկավար կազմի դատավճիռները հրապարակվել էին դեռևս 2018 թվականի ապրիլին, այժմ վճռաբեկ դատարանը հաստատել է մեղադրյալներից չորսի վճիռները, ինչից հետո այն մտնում է ուժի մեջ:

«Ջումհուրիյեթ» թերթը դեռևս 2016 տարվա մայիս ամսին էր հայտնվել իշխանությունների և, մասնավորապես, նախագահ Ռեջեփ Թայիփ Էրդողանի ուշադրության կենտրոնում: Թերթը հրապարակել էր աղմկահարույց լուսանկարներ, որոնցում երևում էր, թե ինչպես է թուրքական կողմը ՄՃՓ («Միջազգային ճանապարհային փոխադրումներ») միջազգային բեռնափոխադրման մասին մաքսային կոնվենցիայի շրջանակում Սիրիա փոխադրվող բեռների հետ նաև զենք-զինամթերք տեղափոխում:

«Ահա այն զենքերը, որոնց մասին Էրդողանն ասում էր, թե չկան» վերնագրով հոդվածում «Ջումհուրիյեթ»-ի թղթակիցը պնդել էր, որ բեռնատարը պատկանել է Թուրքիայի ազգային հետախուզության կոմիտեին:

Այդ ժամանակ լուրը հերքած նախագահը սպառնացել էր թերթին և հայտարարել, թե «այդ լուրն անողը պատասխան կտա»:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով