Փակում են հինգ հազարանոց Աչաջուր գյուղի հիվանդանոցը
Տավուշի մարզի Աչաջուր գյուղում, մարզկենտրոն Իջեւանում գնալով տարածում է գտնում այն լուրը, որ շուտով հինգ հազար բնակիչ ունեցող գյուղի հիվանդանոցի ծննդատան եւ բուժական բաժինները փակվելու են:
Պարզ է, թե ինչ է սպասվում այս մեծ եւ եռուն գյուղին, եթե մնա առանց ծննդատան եւ առանց բուժական բաժնի, իսկ ավելի կոնկրետ՝ առանց հիվանդանոց:
Ի դեպ, Աչաջրի հիվանդանոցից օգտվում են նաեւ հարեւան գյուղի բնակիչները, որոնք հիացած են բժիշկ Կորյուն Վարդապետյանի աշխատանքով, սրտացավությամբ եւ բարձր գիտելիքներով:
Ի դեպ, Աչաջրի ծննդատանը տարեկան հարյուրից ավելի երեխա է լույս աշխարհ գալիս: Հիմա աչաջրեցիները սպասում են, որ պաշտոնապես կհերքվեն այս լուրերը, բայց լուրերը չեն հերքվում:
Ոմանք որոշել են խնայողություն անել Տավուշի մարզի Աչաջրի հիվանդանոցի հաշվին, ոմանք որոշել են, որ աչաջրեցիները, հարեւան գյուղերի բնակիչները պետք է հասնեն Իջեւան, իրենց խնդիրները լուծելու համար:
Հիմա աչաջրեցիները պատրաստվում են բողոքի տարբեր գործողություններ իրականացնել, փորձելով կանխել հիվանդանոցի փակումը: Հիվանդանոցի, քանի որ առանց բուժական բաժնի հիվանդանոցը վերածվելու է հասարակ բուժկետի:
Աչաջրեցիները նշում են, որ այնպիսի տպավորություն է կարծես նոր իշխանությունները խնդիր են դրել դատարկել գյուղը, հիասթափեցնելով բնակչությանը:
Աննա Բաղդասարյան
Top-News.am
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մենք ենք պետք Եվրոպային, թե Եվրոպան` մեզ
ԵՔՀ 8-րդ գագաթնաժողովի բացման արարողությունը Երևանում. ուղիղ
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա