Ցրվածությունը կարող է վտանգավոր հիվանդության վաղ ախտանշան լինել
Ցրվածությունն այնքան էլ անմեղ երեւույթ չէ, ինչպես կարող է թվալ առաջին հայացքից. եթե մեծահասակ մարդը կորցնում է միտքը, ցրված է եւ հակված է շեղվելուն, դա կարող է լինել գլխուղեղի մանր անոթների ախտահարման վաղ նշան, որը հայտնի է որպես ախտանշաններ չունեցող կամ «համր» կաթված: Այս մասին նշված է կանադական նոր հետազոտության մեջ, որի արդյունքները հրապարակվել են Neurobiology of Aging ամսագրում:
University of Toronto-ի հետազոտողները հայտնաբերել են, որ մարդիկ, որոնց գլխուղեղի սպիտակ նյութը վնասվել է «համր կաթվածի» հետեւանքով, հայտնել են, որ իրենք դժվարանում են ուշադրությունը կենտրոնացնել եւ հաճախ են շեղվում կենցաղային խնդիրները կատարելիս: Չնայած դրան, հայտնաբերված սպիտակ նյութի վնասվածքով մարդկանց մոտ կեսը ուշադրության ստուգման թեստերի ժամանակ նորմալ արդյունքներ է ցույց տվել:
Հետազոտության համաձայն՝ շատ դեպքերում «համր» կաթվածի բարձր ռիսկով մարդիկ, ինչպես նաեւ նրանք, ում մոտ այն արդեն տեղի է ունեցել, հիշողությունը պահպանելու ունակության նկատելի տարբերություն ունեն դեռեւս մինչեւ այն պահը, երբ ախտանշանները սկսում են հայտնաբերվել նեյրոհոգեբանական թեստի միջոցով: Եթե մարդն այդպիսի դժվարություններ է ունենում, մասնագետները խորհուրդ են տալիս բժշկի դիմել, հատկապես՝ եթե նա սրտի հիվանդություններին նախահակվածություն ունի:
Գլխուղեղի մանր անոթների ախտահարումն առավել տարածված նեւրոլոգիական խանգարումներից մեկն է, որոնք ուղեկցում են ծերանալուն: Կաթվածի այս տեսակը եւ գլխուղեղի արյան շրջանառության մեջ փոփոխությունները կապված են դեմենցիայի տարբեր տեսակների զարգացման հետ:
Նման կաթվածները «համր» են համարում, քանի որ դրանք սովորական կաթվածին հատուկ ախտանշաններ չունեն: Օրինակ՝ չեն ազդում մարդու խոսելու ունակության վրա եւ չեն կաթվածահարում: Չնայած ակնհայտ ախտանիշների բացակայությանը, գլխուղեղի մանր անոթների հիվանդությունն առաջացնում է գլխուղեղի սպիտակ նյութի վնասում, ինչը ժամանակի ընթացքում կարող է առաջացնել հիշողության եւ կոգնիտիվ ֆունկցիաների խնդիրներ: Կաթվածի այս տեսակը, որպես կանոն, պատահաբար է հայտնաբերվում մագնիսառեզոնանսային տոմոգրաֆիա կատարելիս:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԵՔՀ 8-րդ գագաթնաժողովի բացման արարողությունը Երևանում. ուղիղ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...