Դիաբետից մինչեւ դեպրեսիա. ֆաստ ֆուդի հետեւանքները
Դուք, հավանաբար, լսել եք այն մասին, որ ֆաստ ֆուդն առողջության համար վտանգավոր է: Սակայն կոնկրետ ինչպիսի՞ խնդիրներ կարող են առաջանալ դրա պարբերական գործածման պատճառով: Փորձենք պարզել:
2-րդ տիպի դիաբետ
2-րդ տիպի դիաբետի զարգացման ռիսկի գլխավոր գործոններից մեկը ճարպակալումն է: Իսկ ճարպակալման զարգացման գլխավոր պատճառներից մեկն է սխալ սնվելը, որը ենթադրում է վնասակար, ոչ առողջ սնունդի հաճախակի գործածում, ինչպիսին է համարվում նաեւ ֆաստ ֆուդը:
Հետաքրքիր է, որ ֆաստ ֆուդը դիաբետի զարգացման հավանականությունը մեծացնում է նաեւ անկախ մարդու մոտ ճարպակալման առկայությունից. մի ամբողջ շարք հետազոտությունների համաձայն՝ յուղոտ, կալորիական մթերքների չարաշահումը ինսուլինի նկատմամբ օրգանիզմի զգայունությունը նվազեցնում է:
Սիրտ-անոթային հիվանդություններ
Ֆաստ ֆուդը մեծ քանակությամբ հագեցած եւ տրանս-ճարպեր է պարունակում, որոնք մեծացնում են արյան մեջ տրիգլիցերիդների եւ այսպես կոչված՝ «վատ» խոլեստերինի մակարդակը: Իսկ այս նյութերը վնասում են արյունատար անոթները՝ նպաստելով քրոնիկական բորբոքումներին եւ որպես հետեւանք՝ սիրտ-անոթային հիվանդություններին:
Լյարդի հիվանդություններ
Ֆաստ ֆուդի պարբերական գործածումը վնասակար է նաեւ լյարդի համար՝ գրեթե նույնքան, որքան ալկոհոլի չարաշահումը: Հետազոտությունները ցույց են տվել, որ ֆաստ ֆուդի սիրահարները, որոնք սպորտով չեն զբաղվում, արդեն մի քանի շաբաթ հետո բախվում են լյարդային ֆերմենտներում փոփոխություններին: Այս փոփոխությունները նման են նրանց, որոնք տեղի են ունենում սպիրտային խմիչքների գործածման պատճառով:
Դեպրեսիա
Դեռահաս տարիքում հորմոնալ փոփոխությունները հաճախ դեպրեսիվ խանգարումներ են առաջացնում: Այս խանգարումները, ինչպես եւ տրամադրության կտրուկ տատանումները, նաեւ վարքագծային փոփոխությունները, սաստկանում են ֆաստ ֆուդի ազդեցությամբ: Առողջ սնվելը կարող է անչափ կարեւոր դեր խաղալ հորմոնալ հաշվեկռի ամրապնդման մեջ, իսկ ահա յուղոտ եւ ալյուրից պատրաստված մթերքները կարեւոր նուտրիենտներ չեն պարունակում, որի պատճառով մեծացնում են դեպրեսիայի հավանականությունը, հատկապես դեռահասների շրջանում:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Մակրոնը և Սթարմերը Ուկրաինայի հարցով հանդիպում են հրավիրել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
ԵՔՀ 8-րդ գագաթնաժողովի բացման արարողությունը Երևանում. ուղիղ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...