«Ռեալն» ու «Բարսելոնան» Բարսելոնում ոչ ոքի խաղացին

Ֆուտբոլի Իսպանիայի Գավաթի խաղարկության կիսաեզրափակչում միմյանց դեմ են դուրս եկել Բարսելոնի «Բարսելոնան» եւ Մադրիդի «Ռեալը»:

Թիմերի միջև առաջին հանդիպումը կայացավ Բարսելոնի «Կամպ Նոու» մարզադաշտում: Չնայած բուքմեյքերները կարծում էին, թե դաշտի տերերը պետք է հաղթեն, սակայն բավական լարված պայքարում անցած խաղն ավարտվեց 1:1 հաշվով: 

Առաջին խաղակեսի սկզբում ակտիվ էին մադրիդյան ակումբի ֆուտբոլիստները: Վեցերորդրդ րոպեին ՍանտյագոՍոլարիի թիմը կարողացավ բացել հաշիվը: Գեղեցիկ խաղարկումից հետո աչքի ընկավ Վասկեսը: Քիչ անց մադրիդցիները ռեալ հնարավորություն ունեին հաշիվը դարձնել 2:0, բայց կատալոնցիների բախտը բերեց:

«Ռեալը» գոլ խփելու մի քանի այլ հնարավորություն եւս ունեցավ, բայց հաշիվը մնում էր նույնը: 

Երկրորդ կեսն ավելի ակտիվ սկսեցին դաշտի տերերը, սակայն գոլային պահեր չէին ստեղծում, սակայն Ա57-րդ րոպեին գոլի հեղինակ դարձավ Մալկոմը:

Խաղի մնացած ժամանակահատվածն անցավ հիմնականում հավասար պայքարում: 63-րդ րոպեին դաշտ դուրս եկավ Լեո Մեսսին: Արգենտինացին փորձեց սրություն հաղորդել իր թիմի խաղին ու մի քանի վտանգավոր պահ ստեղծեց:

«Սերուցքայիններից» խաղավերջում հիանալի հնարավորություն ուներ դարպասը գրավելու Բեյլը, սակայն պաշտպանները փակեցին ուելսցու հարվածի ճանապարհը:

Գավաթային առաջին Էլ կլասիկոն ավարտվեց ոչ-ոքի՝ 1:1 հաշվով: Ամեն ինչ կվճռի Մադրիդում:

Հավելենք, որ պատասխան հանդիպումը կկայանա փետրվարի 27-ին: