Թուրքիայում ազատ է արձակվել Օջալանի համար հացադուլ հայտարարած քուրդ կին պատգամավորը

Թուրքիայում անսպասելիորեն ազատ է արձակվել քրդամետ Ժողովրդադեմոկրատական կուսակցության անդամ, խորհրդարանի՝ Հաքքարիից ընտրված պատգամավոր Լեյլա Գյուվենը: Նա գրեթե երեք ամիս գտնվել է հացադուլի մեջ՝ «Քրդստանի աշխատավորական կուսակցություն» խմբավորման առաջնորդ և թուրքական Իմրալը կղզում ցմահ ազատազրկման մեջ գտնվող Աբդուլլահ Օջալանի բանտային պայմանների բարելավման պահանջով:

Ինչպես գրում է թուրքական «Միլլիյեթ» պարբերականը, Դիարբեքիրի առանձնակի ծանր հանցագործությունների թիվ 3 դատարանում այսօր կայացած նիստի ժամանակ որոշում է կայացվել պայմանականորեն ազատ արձակել Գյուվենին: Նշենք, որ քուրդ կին պատգամավորը կալանավորվել էր «ահաբեկչամետ քարոզչություն» իրականացնելու մեղադրանքով:

Լեյլա Գյուվենին աջակցելու և դրսում նրա հացադուլին միանալու համար վերջին շաբաթներին Թուրքիայում ձերբակալվել էին տասնյակ ակտիվիստներ:

Ավելի վաղ լրատվամիջոցները հայտնել էին, որ Գյուվենի առողջությունը խիստ վատթարացել է, և նրա կյանքին վտանգ է սպառնում:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով