Էրդողանը՝ ԵՄ–ի քաղաքացի թուրքերին կոչ է արել բազմանալ
Թուրքիայի նախագահ Ռեջեփ Թայիփ Էրդողանը Եվրոպայում բնակվող թուրքերին կոչ է արել հինգական երեխա ունենալ։ Նշվում է, որ դա երկու երեխայով ավելի է, քան ճիշտ է համարվում հենց Թուրքիայում։
Նախագահի խոսքերով՝ թուրքերը «Եվրոպայի ապագան են» եւ դրա համար պետք է ընդլայնեն իրենց ներկայությունը եվրոպական մայցամաքում։
«Ես կոչ եմ անում իմ քաղաքացիներին, իմ եղբայրներին եւ քույրերին Եվրոպայում, ունեցեք ոչ թե երեք, այլ հինգական երեխա»,– ասել է նա։
Էրդողանը նշել է, որ Եվրոպան այժմ իրենց հայրենիքն է, եւ նրանք պետք է զարգանան այնտեղ։ «Նոր բիզնես նախագծեր բացեք, տեղավորեք ձեր երեխաներին լավագույն դպրոցներում, արեք այնպես, որ ձեր ընտանիքը ապրի լավագույն թաղամասերում, վարեք ամենալավ մեքենաները, ապրեք ամենագեղեցիկ տներում»,– ասել է նա։
Թուրք նախագահը պարզաբանել է, որ այս ամենը պետք է, քանի որ թուրքերը «Եվրոպայի ապագան են»։ «Սա կլինի լավագույն պատասխանը այն վուլգարությանը, հակամարտությանը եւ անարդարությանը, որ նրանք իրականացրել են մեր նկատմամբ»,– նշել է Էրդողանը։
Էրդողանը դիվանագիտական հակամարտության մեջ էր մտել եվրոպական երկրների, այդ թվում Գերմանիայի եւ Նիդերլանդների հետ, այն բանից հետո, երբ սահմանադրական բարեփոխումների հանրաքվեի շրջանակներում չեղարկվել էին Թուրքիայի մի քանի քաղաքական ակցիաներ։
Թուրքիայի նախագահը այդ պատճառով եվրոպական իշխանություններին մեղադրել էր «նացիստ», «ֆաշիստ» լինելու մեջ, նաեւ նշել էր, որ նրանք օգտագործում են «նացիստական մեթոդներ»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են