Վրաստանի բնակիչներին հիշեցրել են առանց վիզա Եվրամիության երկրներ այցելելու կանոնները
Վրաստանի իշխանությունները հիշեցրել են Եվրամիության երկրներ քաղաքացիների առանց վիզա այցելության կանոնների մասին, կոչ արել բնակչությանը չխախտել այդ օրենքները, հայտնում է «ՌԻԱ Նովոստի»-ն:
Կարճաժամկետ այցելությունների համար Վրաստանի քաղաքացիների համար առանց վիզայի ռեժիմը պետք է ուժի մեջ մտնի մարտի 28-ից:
«Կարևոր է ունենալ այցի նպատակ, այցը պետք է լինի կարճաժամկետ, անհրաժեշտ է ունենալ դա հաստատող փաստաթղթեր՝ հետադարձ տոմս և ֆինանսական ապահովման մասին վկայագիր»,- լրագրողներին հայտնել է արտգործնախարար Միխայիլ Ջանելիձեն:
Ջանելիձեի խոսքով՝ «երկրի մասշտաբներով սկսվում է ակտիվ տեղեկատվական արշավ, հրապարակվելու է հատուկ տեսահոլովակ, որը տեղեկացնելու է քաղաքացիներին ԵՄ երկրներ այցելության կանոնների և այն մասին, թե ինչ է նշանակում վիզային ազատականացումը»: Նախարարը նաև կոչ է արել երկրի բոլոր քաղաքացիներին չխախտել այդ օրենքները և ժամանակին վերադառնալ հայրենիք:
Առանց վիզայի ռեժիմի հետ միաժամանակ ուժի մեջ է մտնելու առանց վիզայի ռեժիմի գործողության դադարեցման մեխանիզմը: Եվրամիության մեկ կամ մի քանի անդամ պետություններում միգրացիոն ճգնաժամի դեպքում այդ մեխանիզմի գործողության վերաբերյալ պայմանավորվածությունն առաջարկել է ԵՄ խորհուրդը՝ որպես նախնական պայման Ուկրաինայի և Վրաստանի համար վիզաների վերացման համար:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Ամբերդ ամրոց և Քարի լիճ տանող ավտոճանապարհները փակ են