Վերջին 6 տարում Էրդողանին վիրավորելու մեղադրանքով շուրջ 3000 դատական գործ է բացվել Թուրքիայում

Թուրքիայում վերջին 6 տարում 2.673 դատական գործ է բացվել նախագահ Ռեջեփ Թայիփ Էրդողանին վիրավորելու մեղադրանքով, հայտնում է թուրքական diken.com.tr կայքը:

Amnesty International միջազգային իրավապաշտպան կազմակերպության Թուրքիայի գրասենյակի անդամների կողմից պատրաստված զեկույցի համաձայն՝ ամբաստանյալի աթոռին հայտնված 2.673 քաղաքացիներից արդարացվել են միայն 280-ը:

Միևնույն ժամանակ, Amnesty International-ն իր զեկույցում պահանջել է վերացնել Թուրքիայի քրեական օրենսգրքից նախագահին վիրավորելու մասին հոդվածը: