Էրդողանը մտադիր է հանդիպել Պուտինին հունվարի 23-ին

Թուրքիայի նախագահ Թայիփ Էրդողանը լրագրողներին հայտնել է, որ հունվարի 23-ին Ռուսաստանի նախագահ Վլադիմիր Պուտինի հետ հանդիպելու մտադրություն ունի: Համապատասխան հայտարարությունը թուրք ղեկավարն արել է երեքշաբթի՝ խորհրդարանում ելույթից հետո:

«Մեծ է հավանականությունը, որ կհանդիպենք Պուտինին հունվարի 23-ին», - ասել է նա: Էրդողանը նաեւ ընդգծել է, որ «օրակարգում եռակողմ հանդիպումն է Ռոհանիի եւ Պուտինի հետ»:

Հունվարի 10-ին Թուրքիայի արտգործնախարար Մեւլութ Չավուշօղլուն հայտարարել է, որ սիրիական կարգավորման հարցով Թուրքիայի, Ռուսաստանի եւ Իրանի գագաթաժողովը նախատեսվում է անցկացնել առաջիկա շաբաթներին: Նա նշել է, որ շուտով նախատեսվում է անցկացնել նաեւ Թուրքիայի եւ Ռուսաստանի նախագահների հանդիպումը:

Ինչպես ավելի վաղ ՌԴ նախագահի մամլո քարտուղար Դմիտրի Պեսկովն էր հայտարարել, Էրդողանի այցը Ռուսաստան «պատրաստվում է մոտ ապագայում», սակայն «կոնկրետ ամսաթիվ դեռ չի որոշվել», հաղորդում է ТАСС-ը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով