Որոնք են մարդկանց առավել վտանգավոր վնասակար սովորությունները

Ավստրալացի գիտնականները համարում են, որ ալկոհոլի օգտագործումը, ծխելը, քիչ շարժվելը և կյանքի նստակյաց կենսաձևը, սխալ սնունդը, ինչպես նաև 9 ժամից ավելի քունը միասին կհանգեցնեն մահվան՝ մոտակա 6 տարիների ընթացքում: Այս մասին հայտնում է ubr.ua-ն:

Սիդնեյի համալսարանի բժիշկ աշխատակիցները 6 տարվա ընթացքում հետևել են մինչև 45 տարեկան 230 հազար կամավորների: Արդյունքները գիտնականներին հնարավորություն են տվել կազմելու առավել վտանգավոր վնասակար սովորությունների ցուցակը:

Բժիշկների խոսքով՝ կյանքի տևողությունը զգալիորեն կրճատում են սպիրտային խմիչքների պարբերաբար օգտագործումը և ծխելը: Դրան նպաստում են նաև ծուլությունը, ինչն արտահայտվում է 9 ժամից ավելի քնելու սովորությամբ, մոտ 7 ժամ նստած դիրքում մնալը և ֆիզկուլտուրայով չզբաղվելը, ինչպես նաև չկարգավորված սնունդը: