«Գերնախարարությունները երբեք արդյունավետ չեն աշխատել». Նարինե Դիլբարյան

Լեզվաբան Նարինե Դիլբարյանը ԳԱԼԱ-ի հետ զրույցում նշեց, որ օպտիմալացում անհրաժեշտ է, քանի որ կառավարման համակարգերը խիստ ուռճացված են, սակայն դա պետք է անել հստակ ծրագրով և ոլորտի մասնագետների հետ քննարկումներով.

«Ինձ համար զարմանալի է, որ մշակույթի նախկին նախարարը հայտարարեց, որ արվեստագետները չպետք է օպտիմալացման խնդրով զբաղվեն»,- նշեց լեզվաբանը:

Բանախոսը կարծում է՝ համաշխարհային փորձը ցույց է տալիս, որ տարբեր երկրներում չկա մշակույթի նախարարություն, բայց կան համապատասխան օղակներ, որոնք համակարգում են մշակութային գործիչների աշխատանքը:

Նրա դիտարկմամբ՝ օրինակ կրթության և գիտության ոլորտում կան լուրջ խնդիրներ, և այս նախարարության լրացուցիչ ծանրաբեռնումը կարող է ազդել վերջինիս աշխատանքի որակի վրա:

Ինչ վերաբերում է սփյուռքի նախարարությանը, այն կարող է դառնալ, օրինակ, կոմիտե, որովհետև նախարարության կարգավիճակն ավելորդ է:

Նարինե Դիլբարյանը կարծում է՝ այլ նախարարություններում ևս օպտիմալացման կարիք կա, բաց ոչ այսպես հապշտապ:

galatv.am