Թուրքիան և Իսրայելը ծանր մեղադրանքներ են հնչեցնում միմյանց հասցեին

Թուրքիայի արտգործնախարար Մեվլութ Չավուշօղլուն Թվիթերի իր էջում այսօր գրել է, որ Իսրայելի վարչապետ Բենյամին Նեթանյահուն «արդի ժամանակների սառնասիրտ մարդասպան է, ով պատասխանատու է հազարավոր անմեղ պաղեստինցիների ջարդերի համար»: Նա նշել է, որ Թուրքիան հետ չի կանգնի պաղեստինցի ժողովրդին պաշտպանելու դիրքորոշումից: Թուրքիայի նախագահի մամուլի խոսնակը, ինչպես նաև իշխող կուսակցության ներկայացուցիչները նույնպես խստորեն քննդատել են Իսրայելի վարչապետին:

Ավելի վաղ Էրդողանը ասել էր, թե Իսրայելում խփում են գետնին ընկած մարդկանց, այդ թվում կանանց ու երեխաների և եթե նրանք քաջություն ունեն՝ կարող են նրանց դաս տալ:

Պատասխանելով Էրդողանին, Նեթանյահուն Թվիթերի իր էջում երեկ գրել է. «Էրդողանը Հյուսիսային Կիպրոսի օկուպանտ է, նրա բանակը քրդական գյուղերում կոտորում է կանանց ու երեխաների՝ Թուրքիայի ներսում ու դրսում, Թուրքիան չպետք է դաս տա Իսրայելին»:

Այս թեմայով Միացյալ Նահանգները և Իսրայելը անցել են Իրանի դեմ իրենց պատերազմի կեսը. Նեթանյահու Հրդեհ Իսրայելի արդյունաբերական գոտում. իրավիճակը վերահսկողության տակ է Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել