Էրդողանը Աբասի հետ քննարկել է դեսպանատունը Երուսաղեմ տեղափոխելու հարցը

Թուրքիայի նախագահ Թայիփ Էրդողանը Պաղեստինի առաջնորդ Մահմուդ Աբբասի հետ հեռախոսազրույցի ժամանակ քննարկել է Իսրայելում դիվանագիտական առաքելությունը Երուսաղեմ տեղափոխելու հարցը, հայտնում է «ՌԻԱ Նովոստին»՝ վկայակոչելով թուրքական առաջնորդի աշխատակազմում իր աղբյուրին։

Էրդողանը հայտնել է Աբասին, որ Թուրքիան շարունակում է սատարել պաղեստինցի ժողովրդին։

Նշենք, որ արդեն 70 տարի ձգվող իսրայելա-պաղեստինյան հակամարտության շուրջ իրավիճակը շարունակում է բարդ լինել։

ԱՄՆ որոշումը դեսպանատունը Թել Ավիվից Երուսաղեմ տեղափոխելու մասին միայն սրել է իրավիճակը՝ առաջացնելով հերթական էսկալացիայի ալիքը Գազայի հատվածի եւ Իսրայելի սահմանին։

Իսրայելը Երուսաղեմը համարում է իր միակ եւ անբաժան մայրաքաղաքը, այդ թվում՝ նրա արեւելյան շրջաններն ու պատմական կենտրոնը։

Ավելի վաղ Ավստրալիայի վարչապետ Սքոթ Մորիսոնը հայտարարել է Արեւմտյան Երուսաղեմը Իսրայելի մայրաքաղաք ճանաչելու մասին։ Այսպիսով, Ավստրալիան միացավ այնպիսի երկրների, ինչպիսիք են՝ ԱՄՆ-ն, Գվատեմալանն, Չեխիա, Բրազիլիան եւ Հոնդուրասը:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով