Գիտնականները ստեղծել են քաղցկեղը 10 րոպեում ախտորոշող ունիվերսալ թեստ. The Guardian

Գիտնականները ստեղծել են քաղցկեղի ախտորոշման ունիվերսալ թեստ, որն ընդամենը 10 րոպեում կարող է մարդու օրգանիզմում քաղցկեղային բջիջներ հայտնաբերել կամ հերքել դրանց առկայությունը:

Ինչպես նշում է The Guardian-ը, թեստը հիվանդության հետքերը գտնում է արյան մեջ:

Հատկանշական է, որ նորարարական միջոցը մատչելի է ու պարզ կիրառման հարցում: Եթե դրա գույնը փոխվում է, ապա տվյալ անձի օրգանիզմում առկա են քաղցկեղային բջիջներ:

Այնուհանդերձ՝ թեստը չի հստակեցնում ախտահարված օրգանը կամ քաղցկեղի տեսակն ու աստիճանը:

Քուինսլենդի համալսարանի հետազոտող Լաուրա Կարասկոսան նշել է, որ թեստի առավելությունը դրա մատչելիությունն ու կիրառման պարզ տեխնիկան են:

Մասնագետի խոսքով՝ թեստը 90% ճշգրտությամբ ախտորոշում է հիվանդությունը, նույնիսկ եթե այն սկզբնական փուլում է:

«Սա նշանակում է՝ թեստը կարող է ախտորոշել քաղցկեղի 100 դեպքից 90-ը: Թեև այն չի կարող ցույց տալ ուռուցքի գտնվելու վայրը կամ չափսը, սակայն կտա առաջնային կարևորության հարցի պատասխանը՝ տվյալ անձի մոտ քաղցկեղ կա՞, թե՞ ոչ»,-նշել է ավստրալուհին: 

Այս թեմայով Ավստրալուհու ամբողջ մարմինը բծերով և կապտուկներով է պատվել AstraZeneca-ով պատվաստվելուց հետո (լուսանկարներ) Քթի հատուկ սփրեյը կարող է վերացնել սոցիալական հեռավորության անհրաժեշտությունը Վաղուց հայտնի հակաբիոտիկը կարող է արդյունավետ հակաքաղցկեղային զենք լինել Ինչու է բարձրանում շաքարն արյան մեջ Սպիտակուցային համեղ ըմպելիքներ, որոնք կօգնեն նիհարել