Թուրքիայի նախագահական պալատը մեկ տարում 1300 թուրք ընտանիքի սպառածի չափով էլեկտրաէներգիա է սպառում

Թուրքիայի նախագահական պալատը մեկ տարում երկրում ապրող միջին վիճակագրական 1300 ընտանիքի սպառածի չափով էլեկտրաէներգիա է սպառում, գրում է թուրքական «Բիրգյուն» պարբերականը:

Հայտնի է, որ պալատը հայտ է ներկայացրել բյուջեի հարցերով զբաղվող վարչությանը 2019 թվականին նախագահական պալատի համար 2 մլն 600 հազ. կիլովատտ էլեկտրաէներգիայի ծախսի համար համապատասխան գումար տրամադրել:

Ընդդիմադիր լրատվամիջոցները նկատել են, որ այդքան էլեկտրաէներգիա ծախսում է շուրջ 1300 տուն:

Հիշեցնենք, որ Թուրքիայում 2017 թվականին նախագահական պալատի ընդհանուր ծախսերը կազմել են 658.240.289 թուրքական լիրա: Նախագահական պալատի օրական ծախսը կազմել է 1,8 մլն լիրա, այսինքն՝ մոտ 300.000 ԱՄՆ դոլար:

Միայն նախագահական պալատի խոհանոցային ծախսերի համար անցյալ տարի հատկացվել է 2 մլն 600 հազ. լիրա, առողջապահական հարցերի համար՝ 2 մլն 700 հազ., մաքրության համար՝ 3 մլն 200 հազ. լիրա: Տարբեր ընդունելությունների ու հյուրասիրությունների համար նախագահական պալատը մեկ տարում ծախսել է 36 մլն-ից ավելի գումար:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով