ԱՄՆ-ն նախազգուշացրել է երկրներին արգելել իրանական նավթային տանկերների մուտքն իրենց տարածքային ջրեր
Միացյալ Նահանգները նախազգուշացրել է երկրներին թույլ չտալ Իրանի նավթային տանկերներին մուտք գործել իրենց պատկանող տարածքային ջրեր կամ հանգրվանել նավահանգիստներում, քանի որ դա հակասում է օրերս Վաշինգտոնի սահմանած հակաիրանական պատժամիջոցներին:
Բացի այդ, արտասահմանյան ապահովագրական ընկերություններին արգելվել է սպասարկել իրանական նավերը:
Ինչպես նշում է Al Arabiya-ն, նման նախազգուշացումով է հանդես եկել ԱՄՆ պետքարտուղարությունը՝ ընդգծելով, որ նախագահ Դոնալդ Թրամփի վարչակազմի վարած «առավելագույն ճնշում Իրանի նկատմամբ» արշավի նպատակն է այնպես անել, որ իրանական ռեժիմը փոխի իր պահվածքը:
Մասնավորապես՝ Իրանի հարցով հատուկ դեսպան Բրայան Հուքը նշել է, որ իսլամական պետության վրա գործադրվող ճնշումն առավել արդյունավետ դարձնելու նպատակով նախևառաջ թիրախավորվել է երկրի նավթային ոլորտը:
Ամերիկյան իշխանությունների կարծիքով, եթե մյուս երկրներն արգելեն իրանական նավթային տանկերների մուտքն իրենց տարածքային ջրեր, Թեհրանը միլիարդավոր դոլարների վնաս կկրի:
Բացի այդ, Հուքը հայտարարել է, որ իրանական նավերը միտումնավոր անջատում են սարքավորումները, որոնց միջոցով ամերիկյան արբանյակները կարողանում են պարզել դրանց գտնվելու վայրն ու նավերին հետևելու հնարավորություն ստանում:
Հուքի խոսքով՝ այդ պրակտիկան արդեն կիրառել է իրանական մոտ տասը նավը: Ամերիկացի պաշտոնյան ահազանգել է, որ դա կարող է ծովային, ինչպես նաև բնապահպանական աղետի պատճառ դառնալ: Անջատված սարքավորումները թույլ են տալիս նավի անձնակազմին տեսնել մոտակայքում մյուս նավերի գտնվելու վայրը, խուսափել բախումներից, կապ հաստատել նավահանգիստների հետ:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ