Էրդողանի այցի ժամանակ Գերմանիան ընդհանուր միջոցառումների համար 160.000 եվրո է ծախսել

Թուրքիայի նախագահ Ռեջեփ Թայիփ Էրդողանի Գերմանիա այցի ընթացքում կազմակերպված միջոցառումների համար այդ երկրի իշխանությունները շուրջ 160.000 եվրո են ծախսել: Այդ մասին հայտնել է Գերմանիայի արտգործնախարարությունը՝ ի պատասխան Սոցիալ-դեմոկրատական կուսակցությունից պատգամավոր Օտտո Ֆրիկեի գրավոր հարցմանը:

Ինչպես փոխանցում է գերմանական DW հեռուստառադիոընկերության թուրքական ծառայությունը, այս թիվը չի ներառում անվտանգության միջոցառումների համար նախատեսված ծախսերը:

Հայտնի է, որ Էրդողանի այցը բավականին ռիսկային էր համարվում՝ հաշվի առնելով տեղի թուրքական ու քրդական համայնքների միջև հնարավոր բախումները: Թուրքիայի նախագահի այցի ժամանակ Բեռլինում ծառայություն է իրականացրել 4.200 ոստիկան:

Հիշեցնենք, որ դա Էրդողանի առաջին այցն էր Գերմանիա 4 տարվա դադարից հետո: